52:177  177  CAPUT  V.  17&  absque  delecta  amplectuntur.  Utrumque  vitiosum  est:  nam  priores  fastuoso  illo  praeiudicio  imbuti  viam  ad  proficiendum  sibi  praecludunt:  alteri  vero  ad  omnes  errorum  ventos  se  temere  exponunt.  Paulus  ab  his  duobus  extremis  ad  medium  revocat  Thessalonicenses,  dum  vetat  quidquam  damnare,  nisi  prius  examinatum:  et  rursum  admonet,  iudicium  adhibendum  esse  prius  quam  quod  in  medium  affertur  pro  indubio  recipiant.  Et  sane  haec  Dei  nomini  saltem  reverentia  debetur,  ut  prophetiam,  quae  dicitur  ab  eo  profecta,  non  adspernemur.  Terum  sicuti  reiectionem  debet  praecedere  examen  vel  discretio,  ita  et  susceptionem  verae  et  sanae  doctrinae.  Neque  enim  ea  levitate  pios  esse  convenit,  ut  indifferenter  falsum  non  minus  quam  verum  arripiant.  Hinc  colligimus,  spiritu  iudicii  eos  donari  a  Deo,  ut  discernant  ne  circumveniantur  hominum  imposturis.  Nisi  enim  discretione  essent  praediti,  frustra  Paulus  diceret,  probate,  et  tenete  quod  bonum  est.  Quod  si  recte  probandi  facultate  destitui  nos  sentimus:  ab  eodem  spiritu,  qui  per  prophetas  suos  loquitur,  petenda  est.  Pronuntiat  autem  hoc  loco  Dominus  per  os  Pauli,  nullis  hominum  vitiis,  nulla  vel  temeritate,  vel  inscitia,  nullo  denique  abusu  debere  impediri  doctrinae  cursum,  quin  semper  in  ecclesia  vigeat.  Nam  quum  prophetiae  abolitio  ecclesiae  sit  interitus  :  potius  coelum  sinamus  terrae  misceri,  quam  ut  cesset  prophetia.  Sed  videtur  hic  Paulus  nimis  vagam  in  docendo  licentiam  permittere,  dum  vult  probari  omnia:  nam  audienda  sunt  ut  probentur.  Atqui  hoc  modo  ianua  impostoribus  aperta  foret  ad  spargenda  sua  mendacia.  Respondeo,  eum  nunc  minime  postulare  audientiam  falsis  doctoribus,  quorum  os  alibi  obstruendum  esse  docet,  et  quos  tam  severe  excludit:  nihilo  etiam  magis  tollere  ordinem  in  eligendis  doctoribus,  quem  tantopere  alibi  (Tit.  1,  9)  commendat.  Sed  quoniam  tanta  diligentia  nunquam  adhiberi  potest  quin  prophetent  interdum  qui  minus  quam  deceat  sunt  instructi,  et  interdum  boni  et  pii  doctores  a  scopo  aberrent:  eam  modestiam  requirit  a  fidelibus,  ut  tamen  audire  non  detrectent.  Nihil  enim  periculosius  quam  ea  morositas  qua  fit  ut  nobis  insipida  sit  quaevis  doctrina,  dum  probare  quae  recta  sit,  non  sustinemus.  22.  Ab  omni  specie  mala.  Nonnulli  universalem  esse  sententiam  putant,  ac  si  abstinere  praeciperet  ab  omnibus  quae  mali  speciem  prae  se  ferunt.  Ita  sensus  esset,  non  sufficere  interius  conscientiae  testimonium,  nisi  habeatur  et  fratrum  ratio,  ut  obviam  eatur  offendiculis,  fugiendo  quidquid  malum  videri  potest.  Qui  speciem  dialectice  exponunt  generi  subiectam,  nimis  crasse  hallucinantur.  Speciem  enim  dixit  quae  vulgo  apparentia.  Et  potest  legi  tam  mala,  quam  mali  in  genitivo:  eadem  tamen  significatione.  Ego  potius  Chrysostomum  et  Am-  Calvini  ��pera.  Vol.  LII.