5:177  QUAE  CONDITIO  ET  VITA  ANIMARUM  POST  HANC  VITAM.  1)  [fol.  1]  In  hac  disputatione  expolienda,  ut  non  multum  a  me  studii  ponetur,  ita  dabitur  opera,  quo  sensum  meum,  quam  simplicissima  perspicuitate,  explicatum  habeant  lectores.  Et  sane  quacunque  de  re  instituatur  disputatio,  quum  ubique  plurimum  refert,  rem  ipsam  quae  agitatur  et  scriptori  probe  perspectam  esse  et  lectori  perspicue  definitam:  ne  aut  ille  suos  fines  transsiliat  ac  longius  oratione  evagetur,  aut  hic  in  ipso  disputationis  campo  sine  certa  via  aberret:  tum  id  vero  praesertim  in  omni  controversia  diligenter  observandum:  quando  hic  non  docendi  solum  habenda  cura,  sed  cum  adversario  negotium  est,  qui  certe  (ut  fere  sunt  hominum  ingenia)  nec  vinci  se  unquam  patietur  nisi  invitus,  nec  victum  se  fatebitur  quam  diu  cavillando,  restitando,  tergiversando,  ludere  ac  delicias  facere  poterit.  Haec  autem  optima  premendi,  stringendique  adversarii,  ne  qua  elabatur,  ratio  est:  si  controversiae  caput  ita  designate  dilucideque  explices,  ac  in  medium  proponas,  ut,  quasi  in  rem  praesentem,  manu  consertum  vocare  possis.  De  hominis  ergo  anima  nobis  certamen  est,  quam  alii  fatentur  quidem  esse  aliquid:  sed  a  morte,  ad  iudicii  usque  diem,  quo  e  somno  suo  expergefiet,  sine  memoria,  sine  intelligentia,  sine  sensu  dormire  putant.  Alii  nihil  minus  quam  substantiam  esse  concedunt:  sed  vim  duntaxat  vitae  esse  aiunt,  quae  ex  spiritu  arteriae,  aut  pulmonum  agitatione  ducitur:  et  quia  sine  corpore  subiecto  subsistere  nequit,  ideo  una  cum  corpore  interit  et  evanescit,  2)  donec  totus  homo  suscitetur.  Nos  vero  et  substantiam  esse  ipsam  contendimus,  et  vere  post  corporis  interitum  vivere,  sensu  videlicet  et  intelligentia  praeditam:  ac  utrum-  1)  Inscriptio  haec  legitur  in  editionibus  antiquioribus  1542.1563.  Abest  a  sequentibus  1576.1611.  Amstelodamensis  denique  hoc  loco  utrumque  titulum  iunctim  exhibet:  Psychopannychia  qua  refellitur  quorundam  imperitorum  error  qui  animas  post  mortem  usque  ad  ultimum  iudicium  dormire  putant,  simulque  docetur  quae  sit  conditio  etc.  2)  Sic  1542  et  versio  gallica.  Recentiores  omnes  inde  a  1545  scribunt:  interire  et  evanescere  fingunt.  Calvini  opera.  Vol.  V.