29:177  177  SUR  LB  DEUTER.  CHAP.  XXXIII.  178  Moyse  a  comprins  les  lignees  d'Israel,  mais  ceux  qui  au  paravant  n'avoyent  nulle  accointance  avec  Dieu,  ceux  qui  estoyent  du  tout  separez  de  la  vraye  religion  et  pure,  il  est  dit  que  Zabulon  et  Issachar  mettront  peine  de  les  attirer  au  bon  chemin  et  a  la  doctrine  de  salut.  Or  maintenant  nous  sommes  enseignez  par  cest  exemple,  encores  que  nous  ayons  quelques  abstractions,  que  nous  soyons  empeschez  selon  le  monde  et  selon  la  chair,  de  nous  adonner  au  service  de  Dieu:  que  cela  n'est  pas  excuse  pourtant,  et  qu'il  nous  faut  batailler  a  l'encontre.  Et  c'est  une  admonition  bien  utile.  Car  nous  voyons  qu'il  ne  faut  qu'un  festu,  par  maniere  de  dire,  pour  nous  retarder,  quand  nous  sommes  disposez  a  servir  Dieu:  s'il  nous  voie  une  mouche  devant  les  yeux,  nous  prenons  occasion  de  nous  divertir:  O  voila,  i'eusse  eu  bon  courage,  mais  il  m'est  advenu  une  telle  chose,  et  i'ay  este  desbauche:  nous  cuidons  estre  absouts  par  ce  moyen~la,  et  nous  estre  bien  acquittez.  Advisons  donc,  combien  que  ce  monde  ici  ait  beaucoup  d'empeschemens,  pour  nous  retarder  et  destourner  du  bon  chemin,  combien  que  nous  ayons  beaucoup  de  tentations,  qu'il  y  ait  des  filets  tendus  par  Satan  ca  et  la,  que  quand  nous  voulons  marcher  un  pas,  il  semble  que  nous  devions  a  chacun  coup  rencontrer  quelque  montagne:  qu'il  nous  faut  efforcer:  quoy  qu'il  en  soit  ne  nous  flattons  point  en  nos  delices,  et  ne  cuidons  point  que  si  nous  avons  quelque  rencontre  dure  et  fascheuse  a  surmonter,  que  cela  soit  pour  nous  acquitter:  mais  puis  qu'il  est  dit  de  Zabulon  et  d'Issachar,  qui  estoyent  aux  limites  de  Iudee,  meslez  parmi  les  peuples  et  les  Payens,  qu'ils  ne  laissent  pas  d'inciter  leurs  voisins  a  servir  Dieu:  que  nous  ensuyvions  ce  qui  est  ici  dit  d'eux.  Et  notamment  prattiquons  cela,  quand  nous  serons  parmi  les  incredules,  qui  tascheroyent  volontiers  de  nous  mesler  parmi  leurs  corruptions,  et  nous  degouster  du  service  de  Dieu,  pour  nous  plonger  en  leurs  idolatries.  Quand  nous  voyons  cela,  que  nous  ensuyvions  la  constance  et  magnanimite  de  ceux  que  Moyse  loue  et  prise  ici:  car  il  nous  les  met  devant  les  yeux  comme  miroirs,  afin  que  nous  les  ensuyvions.  Serons-nous  donc  quelques  fois  parmi  les  idolatres?  que  nous  procurions  entant  qu'en  nous  sera  de  les  gagner  a  Dieu  et  a  l'Evangile  de  nostre  Seigneur  Iesus  Christ:  pour  le  moins  quand  nous  aurons  fait  nostre  devoir,  que  nous  persistions  tousiours  en  ceste  pure  simplicite,  que  nous  tenons  de  Dieu  et  de  nostre  Seigneur  Iesus  Christ,  et  que  nous  n'en  soyons  point  desbauchez  par  quelque  occasion  que  ce  soit  :  et  mesmes  quand  nous  voudrons  gagner  les  idolatres,  que  nous  leur  monstrions  tousiours  bon  exemple:  que  tant  qu'il  nous  sera  possible  ils  soyent  attirez  a  la  foy,  quand  ils  verront  que  nostre  religion  sera  approuvee  par  nostre  vie.  Voila  Calvini  opera.  Vol  XXIX.