27:177  177  SUR  LE  DEUTER.  CHAP.  XII.  178  a  rendu  tesmoignage  de  sa  volonte,  il  nous  faut  tenir  la  tout  court,  il  n'est  plus  licite  d'adiouster  rien  qui  soit:  car  il  faudroit  entrer  en  dispute  qui  seroit  le  plus  sage  de  Dieu,  ou  nous:  si  nous  voulons  avoir  quelque  chose  de  meilleur  que  ce  qu'il  nous  a  dit,  et  ou  seroit-ce  aller?  Or  tant  y  a  que  les  hommes,  s'ils  ne  se  peuvent  assuiettir  a  ce  que  Dieu  leur  commande,  entrent  en  ceste  presomption  diabolique,  qu'ils  veulent  estre  sages  plus  que  Dieu  ne  leur  a  appris.  Retenons  donc  quand  nous  avons  tesmoignage  de  ce  que  Dieu  approuve,  qu'il  nous  faut  la  arrester  du  tout.  Or  cependant  il  nous  faut  noter  que  Dieu  non  sans  cause  a  donne  tant  de  reigles  au  peuple  ancien,  pour  monstrer  comme  il  devoit  sacrifier.  Quand  nous  lisons  au  Levitique  les  choses  qui  sont  la  contenues,  il  nous  semble  qu'il  y  a  de  la  superfluite  beaucoup.  Car  Dieu  pouvoit  bien  dire  en  brief  sommaire:  Ie  veux  avoir  un  temple,  ie  veux  que  la  on  me  sacrifie:  mais  il  y  a  tant  de  preceptes,  qu'on  est  esbahi,  et  quasi  on  s'y  trouve  esperdu.  Et  qui  en  est  cause?  Or  il  est  vray  que  le  tout  s'est  fait  selon  le  patron  que  Moyse  avoit  veu  en  la  montagne,  ainsi  que  Dieu  le  declaire:  et  par  cela  il  est  signifie  que  les  figures  (combien  que  nous  ne  sachions  point  auiourd'huy  en  tout  et  par  tout  quel  en  estoit  l'usage)  ont  eu  une  verite  spirituelle  qui  se  peut  rapporter  a  ce  qu'auiourd'huy  nous  avons  a  la  venue  de  nostre  Seigneur  Iesus  Christ:  car  il  est  la  substance,  et  le  corps  de  tous  les  ombrages  qui  avoyent  este  sous  la  Loy.  Quand  nous  lirons  pourquoy  le  grand  Sacrificateur  ne  devoit  point  entrer  sans  tel  accoustrement  :  et  bien,  on  sera  esbahi,  voila  un  homme  desguise,  et  il  y  a  tant  de  choses  a  l'entour  de  luy.  Et  pourquoy  est-ce?  Or  notons  que  c'estoit  pour  advertir  le  peuple,  que  celuy  qui  devoit  estre  Mediateur  entre  Dieu  et  les  hommes,  n'estoit  point  de  l'estat  ni  du  rang  commun  :  qu'il  falloit  qu'il  eust  une  sainctete  speciale,  pour  approcher  de  Dieu.  Et  voila  pourquoy  il  portoit  ce  tiltre  pour  un  fronteau  sur  sa  teste:  Sanctifie  a  Dieu,  ou:  La  sainctete  de  Dieu.  Et  puis  il  y  avoit  les  autres  accoustremens,  qu'il  ne  pouvoit  marcher  qu'il  n'y  eust  un  son,  ou  une  resonnance.  Car  il  portoit  les  clochettes  au  pan  de  sa  robe,  et  c'estoit  pour  monstrer,  que  tous  doivent  estre  attentifs  quand  on  parle  que  le  Fils  de  Dieu  s'est  offert  pour  nous  en  sacrifice,  que  nous  devons  dresser  les  aureilles,  que  cela  doit  retentir  en  nos  coeurs,  afin  que  nous  cerchions  le  moyen  d'estre  reconciliez  a  Dieu.  Il  y  avoit  les  autres  choses  desquelles  on  peut  appercevoir  raison:  comme  les  douze  pierres  que  portoit  le  Sacrificateur  devant  son  estomach  aupres  de  l'Ephod:  et  puis  il  y  avoit  la  les  noms  engravez  en  d'autres  pierres  sur  ses  espaules:  et  cela  estoit  pour  signi-  Calvini  opera.  Vol  XXVII.