1:177  [CO  1.  177]  hic  caeremonia  proferatur, [p. 362]  merum  sit  hominum  inventum,  cum  caeremonias  sacramentorum  non  nisi  a  Deo  institui  posse,  iam  definitum  sit.  Mendacium  ergo  et  impostura  fuit,  quod  de  sacramento  poenitentiae  commenti  sunt.  Ementitum  hoc  sacramentum  ornarunt  quo  decebat  elogio:  secundam  esse  tabulam  post  naufragium,  quia  si  quis  vestem  innocentiae  in  baptismo  perceptam  peccando  corruperit,  per  poenitentiam  reparare  potest.  l)  Sed  dictum  est  Hieronymi.  Cuiuscunque  sit,  quin  plane  impium  sit,  excusari  nequit.  Quasi  vero  per  peccatum  deleatur  baptismus,  et  non  potius  in  memoriam  revocandus  sit  peccatori  quoties  de  peccati  remissione  cogitat,  ut  illinc  sese  colligat  animumque  recipiat  et  fidem  confirmet,  peccatorum  remissionem  se  impetraturum,  quae  sibi  in  baptismo  promissa  sit.  Aptissime  itaque  dixeris,  si  baptismum  vocaveris  poenitentiae  sacramentum,  cum  in  consolationem  iis  datus  sit  qui  poenitentiam  meditantur.  De  ultima,  ut  vocant,  unctione.  Tertium  fictitium  sacramentum  est  extrema  unctio,  quae  non  nisi  a  sacerdote  perficitur [p. 363]  idque  in  extremis  (sic  loquuntur)  et  oleo  ab  episcopo  consecrato,  atque  hac  verborum  [OS  203]  forma:  per  istam  sanctam  unctionem  et  piissimam  suam  misericordiam  indulgeat  tibi  Deus  quidquid  peccasti  per  visum,  per  auditum,  odoratum,  tactum,  gustum.  Eius  duas  esse  virtutes  fingunt:  peccatorum  remissionem  et  corporalis  morbi  levamen,  si  ita  expediat,  sin  minus,  animae  sanitatem.  Aiunt  autem  institutionem  ab  Iacobo  positam  esse,  cuius  verba  sunt:  infirmatur  quis  inter  vos?  inducat  presbyteros  ecclesiae  et  orent  super  eum,  ungentes  eum  oleo,  in  nomine  Domini;  et  si  in  peccatis  fuerit  remittentur  ei  (Iac.  ult.).  Eiusdem  rationis  est  ista  unctio,  cuius  esse  manuum  impositionem  supra  demonstravimus:  nempe  histrionica  hypocrisis,  qua  citra  rationem  et  sine  fructu,  apostolos  referre  volunt.  Refert  Marcus  (Marc.  6):  apostolos  in  prima  sua  missione,  iuxta  mandatum  quod  a  Domino  acceperant,  mortuos  suscitasse,  daemonia  eiecisse,  leprosos  mundasse,  infirmos  sanasse,  in  curatione  autem  aegrorum  oleum  adhibuisse.  Ungebant,  inquit,  oleo  multos  infirmos  et  sanabantur.  Huc  respexit  Iacobus,  cum  iussit  accersi  presbyteros  ad  ungendum  infirmum.  Talibus  caeremoniis  nullum  altius  subesse  mysterium  facile  iudicabunt, [p. 364]  qui  observarint,  quanta  libertate  et  Dominus  et  eius  apostoli  versati  sint  in  rebus  istis  externis.  Dominus  caeco  redditurus  visum,  ex  pulvere  et  sputo  lu-  1)  Lib.  4.  sentent.  14.  dist.  c.  1.  De  poenit.  dist.  1.  c.  2.  Calvini  opera.  Vol.  I.