9:176  sacramenta  quae  in  signis  diversa  sunt,  in  re  paria  esse:  quando  hic  manna  duntaxat  cum  coena  nostra  confertur.  Quare  supervacuus  est  de  sacrificiis  aliisque  [pag.  104]  caeremoniis  legalibus  sermo.  Aeuuiparabimusne,  inquit,  sacrificia  veterum  sacramentis  a  Christo  institutis,  eo  quod  signa  fuisse  constat?  Quasi  vero  argumentum  ducamus  a  signorum  nomine,  quum  dicimus  inter  manna  et  coenam  similitudinem  ab  Augustino  hanc  poni,  quod  sub  diversis  signis  rem  unam  vel  eandem  spiritualem  virtutem  contineant.  Quanquam  hic  foedissimo  errore  pietatis  elementa  contaminat,  quum  discrimen  ostendere  volens  negat  sacramentis  veteribus  promissionem  de  peccatorum  remissione  fuisse  additam,  sola  circumcisione  excepta.  Qua  fronte  profiteri  se  theologum  audet,  cui  vel  incognitum  est,  vel  pro  nihilo  ducitur  quod  centies  apud  Mosem  occurrit:  Oblato  sacrificio  expiabitur  iniquitas?  Interea  observent  lectores  calumniose  ab  hoc  homine  perverti,  quam  nos  ex  Augustino  aequalitatem  asserimus:  quia  principium  hoc  sumendo,  specie  visibili  coenam  nostram  a  [pag.  105]  manna  ita  differre,  ut  res  sit  eadem,  et  spiritualis  veritas,  non  prorsus  aequalem  communicationis  modum  asserimus.  Quin  potius  ubique  profiteor,  eundem  Christum,  qui  sub  lege  fuit  propositus,  plenius  hodie  et  uberius  nobis  exhiberi.  Addo  etiam  Christi  carne  quae  vim  suam,  antequam  creata  esset,  exseruit  in  patribus,  nunc  substantialiter  nos  pasci:  quo  plus  satis  convincitur  Westphali  improbitas,  dum  nos  calumniatur  gradus  istos  confundere,  quos  sedulo,  ut  aequum  est,  distinguimus.  Verum  non  obstat  illa  disparitas  quominus  eiusdem  Christi,  qui  se  nobis  hodie  communicat,  patres  sub  signis  legalibus  fuerint  participes.  Quo  minus  tolerabilis  est  Westphali  impietas,  secundum  quem  manna  et  petra  fuerunt  figurae,  veritas  autem  est  corpus  quod  nobis  in  coena  porrigitur.  Omitto  dicere  quam  sit  iniurius  in  patres,  Christi  communicatione  eos  spolians:  sed  exinanire  suo  effectu  sacramentum  a  [pag.  106]  Deo  proditum  sacrilega  audacia  est.  Atque,  ut  indulgentius  cum  eo  agam,  tam  frigide  et  ieiune  de  sacramento  loqui,  quod  splendidissimo  titulo  insignit  Paulus,  nimis  praepostera  extenuatio  est.  Verba  Pauli  sunt,  eundem  quem  in  coena  percipimus,  datum  patribus  fuisse  spiritualem  cibum.  Obmurmurat  Westphalus  comedisse  et  bibisse  in  figura  multos  etiam  sine  fide:  quasi  non  vel  hoc  posterius  etiam  coenae  quadret,  vel  sinat  Pauli  contextus,  ubi  parium  fit  comparatio,  in  una  parte  rem  et  veritatem  locari,  in  altera  manere  figuram.  Negat  Westphalus  de  manna  vel  aqua  dictum  esse:  Hoc  est  corpus  meum,  hic  est  sanguis  meus:  quasi  non  tantundem  valeat  quod  dicit  Paulus,  petram  fuisse  Christum,  quod,  utcunque  obstrepat  Westphalus,  de  externo  signo  accipi  necesse  est:  quia  exhortationi  minime  consentaneum