7:176  seigner,  [page  65]  exhorter,  reprendre  et  rendre  parfaictz  en  toute  bonne  oeuvre  (2  Tim.  3,  16):  disant  que  c'est  de  la,  qu'il  nous  faut  prendre  consolation  et  patience,  pour  estre  fermes  en  esperance.  Que  par  le  mot  d'esprit  il  ne  signifie  point  une  chose  diverse  de  l'Escriture,  il  appert,  de  ce  qu'il  appelle  sa  predication  ministere  d'esprit  (2  Cor.  3,  8).  Et  aux  Thessaloniciens,  apres  les  avoir  admonestez  de  ne  point  esteindre  l'esprit,  il  adiouste,  qu'ilz  ne  mesprisent  point  les  Propheties  (1  Thess.  5,  19  s.).  En  quoy  il  denote,  que  c'est  suifoquer  la  clarte  de  l'Esprit  de  Dieu,  que  de  se  retirer  de  sa  parolle.  Ie  dis  selon  qu'elle  nous  est  preschee:  car  c'est  le  vray  instrument  de  l'Esprit  de  Dieu,  que  la  predication  et  l'Escriture.  Parquoy  estimons  comme  diables,  tous  ceux  qui  nous  en  voudront  faire  fourvoyer,  ou  directement  ou  obliquement,  et  fuyons  les  comme  une  poison.  Tenons  nous,  dis  ie,  a  la  pure  et  simple  parolle  de  Dieu,  ou  il  nous  a  pleinement  revele  sa  volonte:  et  prions  le  que  par  son  sainct  Esprit  il  la  vueille  imprimer  en  noz  cueurs:  [page  66]  comme  c'est  son  vray  office.  Disons  luy  avec  David:  Seigneur,  ouvre-moy  les  yeux  et  ie  considereray  les  merveilles  de  ta  Loy  (Ps.  119,  18).  CHAPITRE  X.  Que  les  Libertins  abusent  en  plusieurs  sortes  du  mot  d'Esprit,  lequel  ilz  ont  tousiours  en  la  bouche.  Outre  ce  que  nous  venons  de  dire,  il  est  a  noter,  qu'ilz  ne  sauroyent  entamer  un  propos,  que  ce  mot  d'esprit  ne  soit  incontinent  par  les  rancs,  et  ne  sauroyent  a,  grand  peine  continuer  deux  clausules,  qu'il  n'y  soit  reitere.  Or  ce  n'est  pas  en  une  signification  seule:  mais  comme  les  curez  de  village  font  quelques  fois  servir  un  marmouset1)  qui  sera  en  leur  paroisse,  a  cinq  ou  six  sainctz,  pour  avoir  autant  d'offrandes  diverses:  aussi  ces  rustres  appliquent  le  nom  d'esprit  a  tout  ce  que  bon  leur  semble,  pour  en  faire  leur  profit  en  toutes  sortes:  ou  bien  ilz  en  font  une  saulse  commune  a  toutes  viandes.  Ilz  disent  que  la  parolle  de  Dieu  est  esprit.  Il  est  vray  que  nostre  [page  67]  Seigneur  Iesus  a  une  fois  use  de  ceste  locution,  que  les  parolles  qu'il  disoit  estoyent  esprit  et  vie  (Iehan  6,  63):  mais  on  sait  sans  difficulte  aucune,  qu'il  entendoit  qu'elles  estoyent  spirituelles  et  vivifiant  es.  Car  il  estoit  question  de  manger  son  corps.  Ce  que  les  Capernaites  imaginoyent  estre  faict  d'une  facon  charnelle.  Ii  leur  expose  donc  qu'il  n'est  pas  ainsi.  1)  simulacrum.