50:176  gratiam,  non  posse  Christo  servire.  De  sua  tamen  persona  singulariter  hoc  sensu  loquitur,  quod  hominum  gratia  sponte  se  abdicaverit,  ut  se  Christo  dicaret  in  obsequium:  ac  statum  quidem  vitae  superioris  cum  praesenti  confert.  Fuerat  in  maxima  existimatione,  passim  excipiebatur  cum  magno  applausu:  quare  si  voluisset  placere  hominibus,  non  oportuerat  mutare  conditionem.  Sed  hinc  colligenda  est  generalis  illa  doctrina,  quam  dixi:  quicunque  volunt  fideliter  Christo  servire,  eos  debere  fortiter  contemnere  hominum  gratiam.  Vox  hominibus  habet  hic  certam  notationem:  neque  enim  affectare  data  opera  debent  Christi  ministri,  ut  hominibus  displiceant.  Sed  diversa  sunt  hominum  genera.  Quibus  placet  Christus,  illis  studeamus  placere  in  Christo:  qui  veram  doctrinam  suis  affectibus  posthaberi  volunt,  illis  mos  nequaquam  gerendus  est.  Et  sane  piis  et  integris  pastoribus  subeundum  semper  erit  hoc  certamen,  ut  eorum  offensas  negligant,  qui  sibi  volunt  per  omnia  satisfieri.  Nam  ecclesia  semper  habebit  fucos  et  improbos  homines,  qui  libidinem  suam  praeferent  verbo  Dei.  Boni  etiam  interdum  tentantur  a  diabolo,  ut  pastori  succenseant  recta  monenti:  sive  id  faciant  ignorantia,  sive  praeoccupati  aliqua  infirmitate.  Nostrum  igitur  est,  quasvis  offensas  non  reformidare,  modo  tamen  infir*  mos  a  Christo  non  alienemus.  Multi  secus  exponunt  hunc  locum,  ac  si  esset  concessio:  atque  hunc  sensum  esse  putant,  si  placerem  hominibus,  tunc  non  essem  C  h  r  i  s  t  i  servus:  fateor.  Verum  quis  hoc  mihi  exprobrabit?  Quis  non  videt  me  hominum  favorem  non  captare?  Mihi  tamen  sensus  ille  prior  magis  placet,  quod  Paulus  commemoret  quanta  se  hominum  gratia  privaverit,  ut  Christo  se  in  obsequium  dicaret.  11.  Notum  autem  vobis  facio.  Hoc  est  validissimum  argumentum,  et  quasi  praecipuus  cardo,  in  quo  causa  vertitur,  non  ab  hominibus  acceptum  se  evangelium  habere:  sed  divinitus  sibi  fuisse  revelatum.  Et  quia  negari  hoc  ei  poterat,  subiungit  probationem  exegeticam:  hoc  est,  quae  rei  gestae  narratione  constat.  Sed  quo  plus  habeat  ponderis  denuntiatio,  praefatur  se  non  de  re  obscura  loqui,  sed  cuius  fidem  paratus  sit  facere.  Nam  tale  exordium  rei  seriae  convenit.  Secundum  hominem  esse  negat  quod  nihil  humanum  resipit,  vel  quod  humanitus  fabricatum  non  est:  cuius  probandi  causa  subiicit  continuo  post,  se  non  fuisse  ab  ullo  terreno  magistro  edoctum.  12.  Neque  enim  ab  homine  accepi.  Quid  igitur?  an  propterea  vilior  erit  autoritas,  si  quis  edoctus  hominis  ministerio,  doctor  exinde  evadat?  Verum  reputare  semper  convenit  quibus  machinis  eum  invaderent  pseudoapostoli,  eum  arripuisse  mutilum  et  adulteratum  evangelium  ab  aliquo  non  optimo,  aut  saltem  ignobili  magistro:  et  nunc  male  intellectum