27:176  ces  de  Dieu.  Or  par  cela  il  nous  est  signifie,  combien  qu'il  n'y  eust  point  encores  de  loy  escrite,  toutesfois  Abraham  ne  laissoit  point  d'avoir  cognoissance  de  ce  que  Dieu  demandoit,  et  de  ce  qui  estoit  requis.  Car  Moyse  eust  bien  dit  la  en  un  mot,  Abraham  enseignera  a  ses  enfans  de  bien  vivre,  et  sainctement,  et  selon  Dieu:  mais  il  dit  qu'il  enseignera  ses  droictures,  ses  statuts,  et  ses  ordonnances.  A.  quel  propos?  Nous  avons  desia  expose  que  c'est  pour  mieux  signifier,  que  Dieu  avoit  bien  proveu  a  ce  qui  estoit  requis  pour  son  service,  que  les  fideles  ne  pouvoyent  pas  estre  en  doute:  mais  qu'ils  estoyent  asseurez  de  leur  office.  Suyvant  cela  donc  notons,  quand  le  peuple  est  sorti  d'Egypte,  qu'il  n'a  point  sacrifie  comme  les  Payens,  voire  suyvant  quelque  invention  humaine:  mais  qu'il  a  eu  un  ordre  celeste,  c'est  a  dire,  que  Dieu  avoit  ordonne.  Or  cependant  il  est  vray  qu'il  n'y  avoit  point  encores  une  declaration  faite  par  le  menu  du  sanctuaire,  et  de  tous  les  accessoires,  et  dependances,  comme  nous  voyons  que  cela  est  exprime  tant  en  Exode,  qu'au  Levitique.  Cela  (di-ie)  n'estoit  point  si  particulier:  Vous  aurea  un  autel  qui  sera  de  telle  mesure,  qui  sera  de  telle  hauteur,  et  de  telle  largeur:  vous  aurez  la  matiere  telle,  il  y  aura  tant  de  pieces  de  haut,  tant  de  large,  et  tant  de  long:  au  sanctuaire  vous  aurez  la  un  feu  perpetuel:  apres,  vos  sacrifices  ne  seront  iamais  sans  sel:  apres,  ii  y  aura  tousiours  luminaire  au  temple,  il  y  aura  perfum:  les  gasteaux  qui  s'offriront  seront  tels,  il  y  aura  les  pains  appareillez  devant  le  Seigneur,  et  cela  sera  renouvelle  de  iour  en  iour:  et  puis  voila  le  grand  sacrificateur  qui  entrera  une  fois  l'an  au  sanctuaire  estroit,  et  tous  les  iours  il  y  aura  l'autel  des  holocaustes  ou  il  sacrifiera.  Cela  n'estoit  point  encores  ainsi  deschiffre:  et  c'est  ce  que  Moyse  a  entendu  en  ce  passage,  en  disant:  Vous  ne  ferez  pas  selon  qu'auiourd'huy  nous  faisons.  Car  il  y  avoit  plus  grande  liberte  devant  que  Dieu  eust  mis  ses  commandemens  pour  brider  le  peuple,  et  pour  le  tenir  en  telle  obeissance,  qu'il  n'attentast  rien  qui  fust  a  sa  phantasie,  qu'il  ne  declinast  ni  a  droite,  ni  a  gauche  :  mais  qu'il  suyvist  rondement  ce  qui  estoit  contenu  en  la  Loy.  Or  nous  avons  a  recueillir  de  ceste  doctrine,  selon  que  nostre  Seigneur  nous  a  exprime  sa  volonte,  que  nous  sommes  tant  plus  tenus  a  nous  y  ranger:  car  si  nous  ne  savions  ce  qui  est  de  faire,  et  que  Dieu  nous  eust  la  laisse  en  suspend,  nous  aurions  excuse  d'attenter  ce  que  bon  nous  sembleroit.  Pourquoy?  Nostre  Seigneur  ne  nous  a  point  fait  ceste  grace  de  nous  dire  le  mot  expres:  Vous  ferez  ainsi:  il  faut  donc  que  nous  facions  selon  que  nous  dira  nostre  iugement,  puis  que  nous  n'avons  point  de  parolle  expresse.  Voila  qu'on  pourroit  repliquer.  Mais  quand  Dieu  nous