10.1:176  Idololatriam  esse  contendit,  Deum  in  carne  manifestatum  adorare:  nos  vero  negamus:  cuius  superbiae  est,  nos  suis  placitis  adstringere?  Quod  obiicit,  si  ex  Maria  progenitus  sit  Christus,  gentilem  magis  quam  Iudaeum  fore  genere,  quia  progeniem  ducat  per  foeminas  a  gentibus,  eiusdem  est  futilitatis.  Quasi  vero  Ruth  proavia  impediat,  quominus  censeatur  David  Abrahae  filius.  Quod  etiam  pro  absurdo  nobis  obtrudit,  si  sermo  Dei  carnem  induit,  fuisse  igitur  angusto  terreni  corporis  ergastulo  inclusum,  mera  est  procacitas:  quia  etsi  in  unam  personam  coaluit  immensa  verbi  essentia  cum  natura  hominis,  nullam  tamen  inclusionem  fingimus:  quia  mirabiliter  e  coelo  descendit  filius  Dei,  ut  coelum  tamen  non  relinqueret:  mirabiliter  in  utero  virginis  gestari,  in  terris  versari,  et  in  cruce  pendere  voluit,  ut  semper  mundum  impleret,  sicut  ab  initio:  profanae  etiam  inscitiae  est,  fingere  verbum  in  morte  ipsa  a  carne  separatum.  Sed  velim  rursum  scire  ex  Mennone,  quam  bene  conveniat,  essentiam  Dei,  quam  coelum  et  terra  non  capit,  exiguum  corpus  esse  factum,  quod  in  utero  virginis  et  in  sepulcro  latuerit.  Nodum  hunc,  si  potest,  expediat,  quomodo  Deus  eodem  momento  ubique  fuerit  spiritus,  et  in  terra  fuerit  homo  palpabilis.  Hoc  sane  video,  nihil  hoc  asino  posse  fingi  superbius,  nihil  petulantius  hoc  cane.  SI  QUA  RATIO  GENERALIS  CONCILII  CHRISTIANIS  DARI  POSSIT.')  Ut  finem  tandem  habeant  turbae  et  dissidia,  quibus  ecclesiam  scissam  et  laceratam  esse  videmus,  opus  est  libero  et  generali  concilio.  Libertas  in  tribus  capitibus  continetur,  in  loco,  in  personis,  in  modo  vel  ratione  procedendi.  Quantum  ad  locum,  nisi  tutus  pateat  accessus  omnibus  qui  audiendi  sunt,  ut  illic  de  rebus  controversis  disceptent,  satis  notum  est  clausam  esse  ianuam  libertati.  Urbs  ergo  deligenda  erit  media  inter  omnes  regiones,  unde  venturi  sunt  qui  interesse  debent  concilio.  Deinde  necesse  erit  principes  vicinos,  per  quorum  ditionem  transeundum  erit,  promittere  et  iurare  salvum  conductum  omnibus  qui  illuc  convenient.  Quantum  ad  personas,  iniquissimum  esset  solis  episcopis  permitti  sententias  decisivas:  quum  satis  superque  notum  sit,  eorum  causam  tractari,  in  qua  ideonei  non  possunt  esse  iudices.  1)  Epp.  et  Besponsa  ed.  Gen.  1575,  p.  334;  1617,  p.  459;  Laus.  p.  638;  Banov.  p.  717;  Am  st.  p.  209  Textus  gallicus  qui  exstat  in  Bibi  Genev.  God.  145,  fol.  138  latini  versio  esse  nobis  visus  estt  quare  hunc  tibi  prae  illo  offerimus.