9:175  175  ULTIMA  ADMONITIO  176  penses  (Vers.  21)l)  minime  ambiguam  proferimus:  exspectari  Christum  e  coelo  redemptorem  qui  corpus  nostrum  abiectum  configurabit  corpori  suo  [pag.  101]  glorioso.  In  hac  comparatione  si  quid  blasphemiae  deprehendat  Westphalus,  praestigias  sibi  ipse  faciet,  quibus  laedi  nemo  alius  poterit.  Porro  nisi  ubique  post  resurrectionem  nos  fore  dicat,  neque  in  Christi  carnem,  teste  Paulo,  haec  immensitas  hodie  competit.  Iam  quia  Augustini  sententiam  citamus,  ubi  patrum  sacramenta  licet  signis  diversa  fuerint  a  nostris,  in  re  tamen  eadem  fuisse  affirmat:  extremum  fabulae  suae  actum  plausibilem  fore  censuit,  si  hoc  quoque  adiumento  nos  privaret.  Ideoque  librum  su  tam  hac  refutatione  clausit.  Sed  quid  demum  assequitur?  Dicit  nos  vafre  proferre  mutilas  ac  truncas  sententias.  Neque  tamen  aliter  vitium  nostrum  corrigit,  quam  ad  verbum  recitando  quae  in  scriptis  nostris  leguntur.  Et  certe  tota  controversia  in  paucis  verbis  sita  est.  Patres  eundem  manducasse  spiritualem  cibum  in  manna,  qui  hodie  in  coena  nobis  offertur:  quia  sacramenta  sunt  in  signis  [pag.  102]  diversa,  in  re  paria:  differunt  specie  visibili,  eadem  sunt  spirituali  virtute.  Tergiversatur  Westphalus,  Augustinum  de  spirituali  edendi  modo  disserere.  Atqui  nihil  clarius  est  quam  signorum  naturam  describi,  qualis  ex  Domini  inbtitutione  cognoscitur:  rem  unam  statuit  inter  diversa  signa.  Quid  ergc  ad  homines  trahere  iuvat  quod  de  signis  ita  proditum  est,  ut  eorum  vis  et  efficacia  explicetur?  Quaeritur  quid  hodie  nobis  sit  coena,  vel  afferat.  Respondet  Augustinus,  eodem  nos  spirituali  cibo  in  ea  frui,  qui  olim  patribus  manna  fuit.  Hic  certe  non  agitur  quomodo  vel  legali  symbolo  usi  fuerint  patres,  vel  nostro  hodie  utamur:  sed  quid  olim  instituerit  Deus  sub  lege,  et  quid  postea  in  evangelio  Christus.  Quia  autem  signorum  res,  efficacia  et  veritas  a  verbo  pendet,  certo  colligitur  easdem  quoque  statui  promissiones,  ut  nobis  ex  Dei  verbo  Christi  fruitio  [pag.  103]  communis  sit.  Sed  quia  Westphalo  tutum  non  erat,  pedem  in  excutiendo  Augustini  sensu  figere,  per  varios  circuitus  errat:  qui  tamen  eum  omnes  huc  revolvunt,  nos  vitiose  ratiocinari  a  genere  ad  speciem:  quod  tamen  apud  dialecticos  valet.  Quid  enim  prohibet  ad  coenam  aptare  quod  de  sacramentis  omnibus  vere  dicitur?  Postea  tamen  se  ipsum  commodius  paulo  explicat,  perverse  nos  differentias  miscere  obiiciens,  vel  omittere  quibus  inter  se  differunt  species,  vel  non  proprias  adhibere,  sed  tantum  accidentales.  Verum  hoc  nobis  quam  iniuste  exprobret,  promptum  est  ex  libris  nostris  palam  facere.  Ac  primo  quidem  inscite,  vel  maligne  tanquam  generale  arripit,  1)  Libri  calviniani  omnes,  tam  latini  quam  gallici,  laudant  hic  caput  secundum  ep.  ad  Philipp,  exc.  unico  exemplari  Stoeriano  gallico.