7:175  175  CONTRE  LA  SECTE  176  nous  a  salut.  Voila  le  simple  sens  de  sainct  Paul,  duquel  on  ne  peut  tirer  autre  chose,  sinon  qu'il  nous  faut  apprendre  de  ne  point  separer  la  parolle  de  Dieu,  et  comme  la  retrancher  de  Iesus  Christ,  qui  en  est  l'ame,  comme  il  admoneste  puis  apres,  et  par  lequel  seul  elle  a  vigueur  de  nous  estre  salutaire.  Ces  bons  expositeurs,  quoy?  Ilz  nous  veulent  par  ce  passage  introduire  une  facon  de  faire  de  l'Escriture  un  nez  de  cire,  ou  la  demener  comme  une  plotte.  Car  il  n'y  a  non  plus  de  fermete  [page  63]  aux  allegories,  qu'aux  bouteilles  d'eaue  que  font  les  petis  enfans  avec  un  festu.  1)  II  est  plus  que  certain  que  iamais  8.  Paul  ne  pensa  a  cela.  Qu'ilz  se  deportent  donc  de  le  produire  en  tesmoing  pour  ayder  a  leur  cause.  Leur  second  intendit2)  est  encor  plus  diabolique,  Car  ilz  taschent  de  nous  destourner  de  l'Escriture,  pour  nous  faire  vaguer  en  leurs  imaginations:  ou  plustost  de  nous  esgarer  hors  des  limites  de  l'Escriture:  a  fin  que  chacun  suyve  ses  propres  songes,  et  les  illusions  du  diable,  au  lieu  de  la  verite  de  Dieu.  A  fin  que  tous  Chrestiens  soyent  advertis  de  resister  a  une  tentation  si  pernicieuse,3)  il  faut  noter  a  quelle  fin  nostre  Seigneur  nous  a  promis  son  esprit.  Or  ce  n'est  pas  a  fin  qu'en  delaissant  l'Escriture  nous  soyons  conduis  de  luy  et  pourmenez  par  les  nues:  mais  a  fin  d'avoir  la  vraye  intelligence  d'icelle,  pour  nous  en  contenter.  Ce  sont  les  parolles  de  Iesus  Christ:  Quand  l'Esprit  de  Verite  sera  venu,  il  vous  fera  entendre  les  choses  que  vous  avez  ouyes  de  moy  (Iehan  14,  26).  Nous  voyons  qu'il  ne  promet  point  a  ses  Apostres  [page  64]  un  esprit  qui  leur  forge  nouvelles  doctrines:  mais  seulement  pour  les  confermer  en  l'Evangile  qui  leur  avoit  este  presche.  Suyvant  cela,  depuis  sa  resurrection,  quand  il  ouvre  l'entendement  a  ses  deux  disciples  (Luc  24,  27.  32)  ,  ce  n'est  pas  pour  leur  inspirer  des  choses  estranges  et  non  contenues  en  l'Escriture:  mais  pour  leur  faire  entendre  l'Escriture  mesme.  Et  de  faict,  a  qui  a  este  donne  l'esprit  en  plus  grande  abondance,  qu'aux  Aposstres?  Et  toutesfois  cela  n'a  pas  este  cause  de  les  eslongner  de  l'Escriture  :  ou  causer  en  eux  un  mespris  d'icelle:  mais  au  contraire  nous  voyons  que  ce  a  este  toute  leur  estude,  d'y  obeir,  et  nous  tenir  en  une  mesme  obeissance.  Quant  a  sainct  Paul  en  particulier,  ia  n'advienne  que  il  nous  en  vousist  desbauches  veu  qu'il  est  tant  apres  pour  nous  y  faire  trouver  goust,  pour  nous  recommander  l'auctorite  d'icelle,  pour  nous  persuader  que  nous  ne  sachions  et  n'appetions  de  savoir  sinon  ce  qu'elle  contient,  disant  qu'elle  est  utile  pour  nous  en-  1)  in  bullis  quas  pueri  cum  festuca  emittunt.  2)  Alterum  quod  sibi  proponunt.  3)  de  vitanda  ac  rep  flenda  adeo  periculosa  tentatione.