55:175  175  CAPUT  XII.  176  falsam  et  ementitam  fore  Christi  professionem,  si  se  a  patris  disciplina  eximant,  ut  spurii  magis  sint  quam  legitimi.  9.  Quum  carnis  nostrae  patres  habuerimus  castiqatores,  et  reveriti  simus  illos:  annon  multo  magis  gubiiciemur  patri  spirituum,  et  vivemus  ?  10.  Et  Uli  guidem  ad  paucos  dies  pro  suo  arbitratu  nos  castisarunt:  hic  vero  ad  utilitatem,  ut  nobis  impertiat  sanctimoniam  suam,  ll.  Porro,  omnis  castigatio  in  praesens  non  videtur  gaudii  esse,  sed  tristitiae:  in  posterum  tamen,  fructum  pacatum  iustitiae  affert  exercitatis.  9.  Quum  carnis  nostrae.  Haec  comparatio  multas  habet  partes.  Prima  est,  si  patribus  ex  quibus  progeniti  sumus  secundum  carnem,  tantum  detulimus  reverentiae  ut  passi  fuerimus  eorum  disciplinam  :  multo  plus  honoris  deberi  Deo,  qui  spiritualis  est  pater.  Altera,  disciplinam,  qua  patres  liberos  suos  erudiunt,  ad  usum  praesentis  vitae  utilem  esse  duntaxat:  Deum  vero  longius  respicere,  ut  scilicet  in  vitam  aeternam  nos  sanctificet.  Tertia,  mortales  homines  liberos  suos  ut  illis  visum  est  castigare:  Deum  vero  temperare  suam  disciplinam  optima  ratione  summaque  sapientia,  ut  nihil  in  ea  sit  nisi  moderatum.  Hoc  ergo  primo  loco  inter  Deum  et  homines  diversum  ponit,  quod  hi  quidem,  patres  sint  carnis,  ille  autem,  spirituum:  idque  amplificat,  carnem  cum  spiritu  conferendo.  Sed  quaeritur  annon  carnis  etiam  pater  sit  Deus:  neque  enim  frustra  hominis  creationem  inter  praecipua  Dei  miracula  commemorat  historia  Iob.  Quare  hac  quoque  parte  merito  patris  nomen  sibi  vindicat.  Si  dicamus  patrem  vocari  spirituum,  quia  solus  animas  creat  et  regenerat,  sine  hominis  opera:  rursus  excipere  licebit,  Paulum  non  frustra  gloriari,  se  spiritualem  esse  eorum  patrem,  quos  in  Christo  per  evangelium  genuit.  Respondeo,  tam  animae  quam  coporis  patrem  esse  Deum,  et  quidem  unicum,  proprie  loquendo:  ac  nomen  hoc  quadam  veluti  concessione  transferri  ad  homines,  sive  de  corpore  sive  de  anima  agatur.  Quoniam  tamen  in  creandis  animabus  non  adhibet  hominum  operam,  et  eas  etiam  spiritus  sui  virtute  mirabiliter  reformat:  peculiariter  xax'  eCox^v  pater  spirituum  vocatur.  Quum  dicit,  Et  reveriti  simus  illos:  affectum  notat  qui  nobis  a  natura  insitus  est,  ut  patres,  etiam  quum  aspere  nos  tractant,  honore  prosequamur.  Quum  dicit,  subiiciemur  patri  spirituum:  significat,  hoc  aequum  esse,  ut  Deo  imperium  permittamus  quod  patris  iure  in  nos  obtinet.  Quum  dicit,  Et  vivemus,  causam  designat  vel  finem,  itaque  copula  resolvenda  est  in  particulam  ut.  Monemur  autem  hoc  verbo,  nihil  esse  nobis  magis  exitiale  quam  si  nos  in  Dei  obsequium  tradere  recusemus.