51:175  175  EPIST.  PAULI  AD  EPHESIOS  176  amplectamur?  Sed  notanda  fundationis  ratio:  nam  proprie  unicum  fundamentum  est  Christus,  quia  unus  totam  ecclesiam  sustinet,  unus  est  fidei  regula  et  mensura.  Sed  in  Christo  fundatur  ecclesia  per  doctrinae  praedicationem.  Unde  prophetae  et  apostoli  vocantur  architecti.  Perinde  ergo  est  ac  si  diceret  Paulus,  prophetis  et  apostolis  nihil  aliud  fuisse  propositum,  nisi  ut  in  Christo  ecclesiam  fundarent.  Hob  verum  esse  comperiemus,  si  initium  fiat  a  Mose.  Nam  ipse  Christus  est  finis  legis:  idem  evangelii  summa.  Meminerimus  ergo,  non  alibi  acquiescendum  nobis  esse,  si  velimus  inter  fideles  censeri:  si  in  scripturis  sacris  velimus  rite  proficere,  ad  eum  dirigenda  esse  omnia.  Similiter  admonemur  ubi  quaerendum  sit  verbum  Dei:  apud  prophetas  scilicet  et  apostolos.  Atque  ut  discamus  eos  inter  se  coniungere,  ostenditur  inter  utrosque  consensus:  quod  habeant  commune  fundamentum,  et  communiter  in  exstruendo  Dei  templo  laborent.  Neque  enim  ideo  supervacua  prophetarum  doctrina��,  quod  doctores  habemus  apostolos  :  sed  unum  atque  idem  agunt  utrique.  Hoc  ideo  dico,  quod  sicut  olim  Marcionitae  prophetas  ex  praesenti  loco  expunxerant:  ita  hodie  fanatici  spiritus  Marcionitis  similes  legem  et  prophetas  nihil  ad  nos  pertinere  clamitant,  quod  evangelium  finem  omnibus  imposuerit.  Atqui  spiritus  sanctus  ubique  se  ita  loquutum  esse  per  os  prophetarum  testatur,  ut  velit  in  illorum  scriptis  audiri.  Atque  hoc  ad  asserendam  fidei  nostrae  autoritatem  non  parum  facit:  quod  videmus,  omnes  Dei  servos  ab  initio  ad  finem  usque  tam  bene  sibi  constare,  ut  symphonia  ipsa  clare  demonstret,  Deum  unum  esse,  qui  in  omnibus  loquitur.  Proinde  religionis  nostrae  exordium  a  creatione  mundi  petendum  est.  Quo  fit  ut  de  antiquitate  frustra  glorientur  tam  papistae  quam  Turcae,  aliique  omnes  sectarii:  qui  nihil  sunt  quam  verae  puraeque  religionis  spurii.  Lapis  summus  angularis.  Adeo  sunt  impudentes,  qui  hoc  honoris  transferunt  ad  Petrum,  ut  asserant  fundatam  in  eo  fuisse  ecclesiam,  ut  hoc  quoque  testimonio  abutantur  in  praetextum  erroris  sui:  quia  obiectant  Christum  vocari  primarium  lapidem  aliorum  respectu  :  ideoque  plures  esse  lapides  quibus  fulciatur  ecclesia.  Sed  facilis  est  solutio.  Variis  enim  metaphoris  utuntur  apostoli  pro  locorum  circumstantia,  in  eundem  tamen  sensum.  Firmum  illud  manet,  non  posse  aliud  fundamentum  poni.  Ergo  hic  non  significat,  angulum  duntaxat  unum  aut  partem  fundamenti  esse  Christum:  quia  secum  pugnaret.  Quid  igitur?  vult  in  unam  spiritualem  structuram  Iudaeos  et  gentes  aptare.  Erant  autem  quasi  duo  parietes  diversi.  Christum  proinde  medium  in  angulo  collocat,  qui  utrosque  coadunet.  Haec  ratio  est  metaphorae.  Continuo  tamen  post  satis  declarat  se  Christum  minime  ad  unam  ali-