50:175  175  EPIST.  PAULI  AD  GALATAS  176  10.  Nunc  enim  suadeone  secundum  homines,  an  secundum  Deum?  vel  quaero  hominibus  placere?  Si  enim  adhuc  hominibus  placerem,  Christi  servus  non  essem.  l  l  .  Notum  autem  vobis  facio,  fratres,  de  evangelio  quod  evangelizatum  est  a  me,  quod  non  est  secundum  hominem:  12.  neque  enim  ego  ab  homine  accepi  illudf  neque  didici:  sed  per  revelationem  Iesu  Christi.  13.  Audistis  enim  conversationem  meam,  quae  aliquando  fuit  in  Iudaismo:  quod  supramodum  perse'  quebar  ecclesiam  Dei  et  vastabam  illam,  14.  et  proficiebam  in  Iudaismo  supra  multos  aequales  meos  in  genere  meo,  quum  vehementius  studiosus  essem  paternarum  traditionum.  Quia  tam  confidenter  extulerat  suam  praedicationem,  nunc  se  id  iure  fecisse,  non  inani  iactantia,  ostendit.  Ac  duobus  quidem  argumentis  utitur  ad  id  demonstrandum.  Primum  est  ab  affectu  animi,  quia  non  ambitiose,  neque  adulandi  causa  hominibus  se  accommodet.  Secundum  multo  fortius,  quod  non  sit  ipse  autor  evangelii  sui,  sed  a  Deo  acceptum  per  manus  fideliter  tradiderit.  10.  Suadeone  secundum.  Locus  hic  propter  ambiguitatem  graecae  constructionis  varie  exponitur.  Aliqui  enim  reddunt:  suadeone  hominibus,  an  Deo?  Alii  Deum  et  homines  pro  divinis  et  humanis  accipiunt.  Qui  sensus  admodum  bene  quadraret,  nisi  esset  aliquanto  a  verbis  remotior.  Eum  itaque  sequi  malui,  qui  minus  erat  coactus.  Nam  Graecis  tritum  est,  praepositionem  xaxa  subaudire.  Loquitur  Paulus  non  de  argumento  suae  praedicationis,  sed  de  animi  sui  proposito:  quod  Deum  potius  quam  homines  respiciat.  Quamquam  docentis  affectui  respondet  etiam  doctrina.  Nam  sicuti  ex  ambitione,  avaritia,  aut  alia  quavis  prava  cupiditate  nascitur  doctrinae  corruptio:  ita  recta  conscientia  facit  ut  retineatur  pura  veritas.  Ideo  sanam  esse  suam  doctrinam  contendit,  quod  non  sit  hominibus  accommodata.  Vel  quaero  hominibus  placere.  Hoc  secundum  non  multum  differt  a  priore,  differt  tamen  aliquid:  nam  studium  acquirendi  favoris  causa  est  cur  secundum  homines  loquamur.  Ubi  talis  ambitio  in  cordibus  nostris  regnat,  ut  cupiamus  orationem  componere  in  hominum  gratiam,  fieri  nequit  ut  sincere  doceamus.  Ergo  Paulus  ab  hoc  vitio  testatur  se  esse  purum  et  immunem.  Et  quo  se  maiore  fiducia  eximat  etiam  a  calumnia,  interrogative  loquitur.  Habent  enim  interrogationes  plus  ponderis,  quum  adversariis  potestatem  facimus  contradicendi,  si  quid  habeant.  Nam  id  signum  est  magnae  securitatis,  quam  Paulo  dabat  testimonium  bonae  conscientiae:  quia  scilicet  ita  se  functum  officio  suo  noverat,  ut  eiusmodi  probro  non  esset  obnoxius.  Si  enim  hominibus  placerem.  Sententia  memorabilis:  ambitiosos,  hoc  est,  qui  venantur  hominum