29:175  175  SERMON  CXCYI.  176  point  la  montagne  de  Sion:  mais  si  est-ce  que  desia  nous  voyons  une  conformite  entre  ce  qui  fut  revele  a.  David,  et  entre  ce  qui  avoit  este  si  long  temps  auparavant  prononce  par  Moyse.  Ici  donc  nous  avons  encores  une  approbation  infallible,  que  Moyse  n'a  rien  invente  de  soy:  mais  que  le  Dieu  vivant  l'a  tousiours  eu  pour  son  Ministre,  et  comme  organe  de  son  sainct  Esprit.  Au  reste,  ici  ces  deux  lignees,  assavoir  d'Issaehar  et  de  Zabulon  sont  louees,  de  ce  qu'elles  inciteront  les  peuples  au  service  de  Dieu.  Et  c'est  une  louange  qui  est  bien  a  noter.  Oar  par  cela  il  nous  est  declare,  qu'il  ne  suffit  point  si  chacun  de  nous  s'employe  au  service  de  Dieu,  mais  que  nostre  zele  doit  estre  estendu  plus  loin,  c'est  d'attirer  ies  autres:  comme  aussi  il  en  est  parle  sur  tout  quand  le  Prophete  Isaie  traitte  du  royaume  de  nostre  Seigneur  Iesus  Christ,  qu'un  chacun  teudra  la  main  a  son  prochain,  disant:  Allons,  montons  en  la  montagne  du  Seigneur  pour  l'adorer.  Ici  Moyse  declare  que  Zabulon  et  Issachar  feront  le  semblable,  qu'ils  attireront  les  autres  au  service  de  Dieu.  Or  il  est  vray  que  ce  seroit  peu  de  chose,  si  nous  incitions  nos  prochains  a  rendre  a  Dieu  l'honneur  qu'il  merite,  sinon  que  nous  leur  tinssions  compagnie.  Et  pour  ceste  cause  il  dit  notamment,  Qu'ils  appelleront  les  peuples,  et  sacrifier  ont  ensemble.  Voila  donc  en  somme  ce  que  nous  avons  a  retenir  de  ce  passage,  c'est  que  nous  taschions  entant  qu'en  nous  sera  d'attirer  a  Dieu  tous  les  hommes  de  la  terre,  afin  que  d'un  accord  il  soit  adore  et  servi  de  tous.  Et  de  faict,  si  nous  avons  quelque  humanite  en  nous,  voyant  que  les  hommes  vont  a  perdition,  iusques  a  tant  que  Dieu  les  ait  sous  son  obeissance:  ne  devons-nous  point  estre  esmeus  de  pitie,  pour  retirer  les  povres  ames  d'enfer,  et  les  amener  au  chemin  de  salut?  D'autre  coste,  quand  nous  cognoissons  Dieu  estre  nostre  pere,  et  ne  faut-il  pas  que  nous  desirions  qu'il  soit  cogneu  tel  de  tous?  Et  si  nous  n'avons  ceste  affection-  la,  que  toutes  creatures  luy  facent  hommage,  n'est-ce  pas  un  signe  que  son  honneur  ne  nous  est  gueres  recommande?  Voila  donc  une  estude  a  laquelle  il  nous  faut  exercer,  c'est  assavoir  d'inciter  ies  povres  ignorans  a  servir  Dieu:  et  puis,  ceux  qui  sont  desia  en  bon  train,  de  leur  donner  tousiours  courage  :  comme  quand  nous  voyons  des  povres  aveugles  qui  sont  esgarez,  c'est  pour  le  moins  que  si  en  nous  est,  et  que  nous  ayons  quelque  entree  ou  quelque  moyen,  que  nous  leur  donnions  goust  de  la  vraye  religion,  afin  qu'ils  se  rangent  a  Dieu:  et  puis,  nous  savons  en  quoy  le  service  de  Dieu  consiste,  c'est  que  nous  soyons  enseignez  de  la  parolle,  pour  mettre  toute  nostre  fiance  en  luy:  que  la��  dessus  nous  l'invoquions,  que  nous  luy  rendions  actions  de  graces  pour  tous  les  biens  qu'il  nous  eslargit,  que  nous  luy  soyons  dediez  en  toute  nostre