27:175  175  SERMON  LXXXII.  176  paisse,  non  seulement  de  ces  viandes  corruptibles:  mais  qu'il  nous  nourrisse  tellement  a  soy,  que  nous  ayons  une  vie  commune  avec  luy.  LE  TROISIESME  SERMON  SUR  LE  CHAP.  XII.  V.  8-14.  DU  LUNDI  7E  D'OCTOBRE  1555.  Combien  que  desia  Moyse  est  tenu  ce  propos  par  ci  devant,  ce  n'est  pas  sans  cause  qu'il  y  retourne,  pour  le  mieux  confermer.  Car  comme  nous  avons  dit,  les  hommes  voudront  tousiours  passer  mesure,  et  ne  peuvent  aucunement  s'assuiettir  a  Dieu  pour  ne  rien  attenter  outre  sa  parolle.  Notons  bien  donc  que  Dieu  ne  s'est  point  contente  de  dire  pour  un  coup,  qu'on  se  gouvernast  selon  sa  bouche,  et  son  ordonnance:  mais  il  a  reitere  plusieurs  fois  ceste  doctrine,  afin  qu'on  y  prinst  garde  tant  mieux,  et  qu'elle  fust  observee.  Et  pource  que  le  peuple  n'avoit  point  encores  la  Loy  escrite  quant  aux  ceremonies,  notamment  il  est  dit:  Vous  ne  ferez  pas  comme  auiourd'huy.  Car  il  falloit  que  le  peuple  se  reprimast  selon  qu'il  avoit  la  doctrine.  Mais  pour  mieux  comprendre  ce  passage,  en  premier  lieu,  on  pourroit  demander  si  le  peuple  a  sacrifie  pour  un  temps  du  tout  a  son  appetit,  sans  avoir  reigle,  sans  estre  certains  de  ce  que  Dieu  requeroit  ou  approuvoit.  La  response  a  cela  est,  que  tousiours  le  peuple  a  eu  quelque  adresse,  et  que  la  bride  ne  luy  a  pas  este  si  fort  laschce,  qu'il  ne  seust  comment  il  falloit  sacrifier.  Et  de  faict,  nous  oyons  ce  que  dit  l'Apostre  aux  Hebrieux,  que  depuis  Abel  iamais  il  n'y  a  eu  sacrifice  approuve  que  paV  foy.  Or  la  foy  emporte  avec  soy  obeissance:  si  les  hommes  se  gouvernent  a  l'aventure,  il  n'y  a  point  de  foy  en  eux.  Or  notamment  l'Apostre  dit  que  les  sacrifices  d'Abel  ont  este  agreables  a  cause  de  la  foy:  il  sensuit  donc  que  tousiours  Dieu  a  monstre  sa  volonte  aux  fideles,  qu'ils  n'ont  point  chemine  en  confus,  mais  qu'ils  ont  eu  une  certitude  telle  qu'il  estoit  requis.  Et  de  faict,  quand  Moyse  recite  en  Genese  que  Noe  a  sacrifie  a  Dieu  des  bestes  pures,  desia  il  falloit  bien  qu'il  y  eust  quelque  discretion:  car  ce  n'estoit  pas  a  luy  d'inventer  en  son  cerveau  quelles  bestes  estoyent  pures:  il  falloit  donc  que  Dieu  luy  eust  imprime  cela,  et  tousiours  cest  ordre  est  demeure.  Ainsi  il  est  bien  certain  que  iamais  le  peuple  n'a  eu  une  telle  liberte,  ne  si  desordonnee,  qu'il  ne  cogneust  quel  estoit  le  vray  moyen  de  servir  a  Dieu.  Il  est  aussi  exprime  en  Moyse,  qu'Abraham  enseignera  sa  lignee  aux  iugemens,  droictures,  et  ordonnan-