20:175  175  EPISTOLAE  4038-4040  176  primum  quidem  per  fratrem  olim  cardinalem,  nunc  comitem  Bellovacensem,2)  obtulit  sese  ultro  coram  omnibus  non  suspectis  iudicibus  compariturum  quoties  regiae  maiestati  libuisset.  Quod  si  armis  rem  decerni  mallent,  sese  una  cum  duobus  suis  fratribus  innocentia  sua  fretum  vel  seorsim  vel  simul  cum  totidem  Guisianis,  si  regiae  maiestati  placeret,  decertaturum.  Interea  convocavit  et  ipse  amicorum  et  cognatorum  copias,  quos  quidem  certum  est  tam  prompte  accurrisse  ut  octo  dierum  spatio  ad  duo  equitum  nobilium  millia  coegerit.  Rex  vero  sua  autoritate  utrosque  arma  ponere  et  domum  quemque  reverti  iussit,  addita  etiam  poena  iis  qui  non  paruissent.  Senatui  Parisiensi  adempta  est  causae  cognitio  et  dati  ex  magno  quod  vocant  concilio  iudices.  Itaque  optima  spes  est  detectis  et  fractis  hostium  consiliis  Amiralium  brevi  penitus  liberatum  iri.  Rex  tandem  Lutetiam  ingressus  senatum  et  municipales  magistratus  acerrime  reprehendit.  Adempta  sunt  arma  omnibus,  detractae  ex  compitis  catenae,  quarum  infinitus  est  ibi  munerus.  Inquiritur  in  multos,  et  optima  spes  est  fore  ut  seditiosorum  principes  iustas  poenas  luant.  Nec  dubitamus  quin  audita  Parisiensium  deditione  mox  caeterae  quoque  civitates  quietiores  reddantur.  De  rege  optima  quaeque  atque  adeo  incredibilia  nobis  nunciantur-  Et  certe,  nisi  corrumpatur,  a  tanta  indole,  quantam  ego  ipse  in  eo  animadverti,  maxima  quaeque  possunt  exspectari.  Caeterae  ecclesiae  pacificae  felicissime  promoventur.  Sed  plerisque  locis  ea  est  pestis  saevities  ut  maximam  iam  urbium  partem  consumpserit.  Haec  sunt  Domini  flagella  simul  perdentis  impios  et  suos  castigantis.  Utinam  vero  tandem  peccatis  nostris  deletis  nos  benignus  respiciat  et  nos  vicissim  serio  resipiscamus.  Quod  ad  nos  privatim  attinet:  recte  hic  omnia  Dei  beneficio,  si  Calvini  nostri  perpetuos  morbos  excipias,  quem  utinam  brevi  nobis  restituat  Dominus.  Dolet  mihi  quod  de  tuo  catarrho  scribis,  quo  pensier  et  eius  filius,  primogenitus  Guisii  mortui,  Card.  Guisius,  Aumalius,  Marchio  d'Elbeuf,  duces  de  Nemours  et  de  Longueville.  Ipsa  mater  Guisii  habuit  orationem  ad  regem  qua  petebat  constitui  iudicium  de  caede  ducis  Guisii.  Rex  respondit  se  etiam  non  interpellafcum  facturum  fuisse  quod  peterent  .  .  .  .  Verum  interea  dum  Guisiorum  advocatus  causam  istam  magna  vehementia  agit,  ecce  decretum  a  rege  affertur  quo  omnes  Oastillionaeorum  controversiae  reiiciuntur  ad  magnum  Consilium  et  interdicitur  Parlamento  et  omnibus  aliis  iudicibus  ne  de  iis  sibi  cognitionem  sumant  Quoniam  Guisii,  dum  haec  agebant,  dicebantur  induxisse  magnum  numerum  militum  in  urbem,  factus  est  ad  Admiralium  concursus  nobilitatis  nostrae  religionis:  nihil  tamen  inde  ortum  est  turbarum*  Multi  magno  studio  hoc  agunt,  et  praecipue  vidua  Ferrariensis,  socrus  Guisii,  ut  componatur  illa  controversia  inter  Guisios  et  Castilhonaeos.  2)  Odet  de  Chastillon.