7:174  luy  donnent  estat.  C'est  maugre  moy  que  i'en  parle.  Mais  si  ie  ies  espargne,  Dieu  n'espargnera  ne  moy,  n'eux  avec.  Or  quand  ilz  ont  veu  que  tous  bons  cueurs  avoyent  [page  60]  en  detestation  un  tel  sacrilege,  que  de  fouler  la  sacree  parolle  de  Dieu  aux  piedz:  suyvant  l'article  de  lour  foy,  qu'il  est  expedient  d'estre  double  de  langue,  ilz  se  sont  vestus  de  ceste  fourreure,  soubz  laquelle  ilz  se  cachent  maintenant.  Ce  est  de  ne  point  faire  semblant  de  reiecter  l'Escriture  saincte:  mais  en  l'acceptant  la  tourner,  a  l'exemple  de  leurs  predecesseurs  les  Priscilianistes,  dont  nous  avons  parle,  et  la  transformer  en  allegories.  Tant  y  a  qu'ilz  ne  font  non  plus  d'honneur  a  la  parolle  de  Dieu,  en  la  deformant  comme  ilz  font,  que  s'ilz  la  nioyent  du  tout.  Car  ilz  retiennent  tousiours  ce  principe,  que  l'Escriture,  prinse  en  son  sens  naturel,  n'est  que  lettre  morte,  et  qui  occist:  et  pourtant  que  il  la  faut  laisser  pour  venir  a  l'Esprit  vivifiant.  Or  par  cela  ilz  tendent  a  double  fin:  c'est  premierement  qu'on  ne  se  tienne  point  au  simple  sens  de  l'Escriture,  mais  qu'on  s'en  ioue  par  expositions  allegoriques:  secondement,  qu'on  ne  se  arreste  pas  a  ce  qui  est  escrit,  pour  y  acquiescer  [page  61]  du  tout,  mais  qu'on  specule  plus  haut,  et  qu'on  cherche  revelations  nouvelles.  Combien  que  ceste  secte  soit  bien  diverse  de  celle  des  Papistes,  comme  elle  est  cent  fois  pire  et  plus  pernicieuse:  neantmoins  tous  les  deux  ont  ce  principe  commun  ensemble,  de  transfigure!1  l'Escriture  en  allegorie,  et  d'affecter  une  sagesse  meilleure  et  plus  parfaicte,  que  celle  que  nous  y  avons.  Et  tous  deux  d'un  accord  prennent  pour  couleur  ceste  sentence  de  sainct  Paul,  que  la  lettre  occist  (2  Cor.  3,  6).  Or  pource  qu'en  tirant  ce  passage  a  eux,  ilz  le  depravent  meschamment,  il  sera  mestier  de  monstrer  en  premier  lieu  l'intention  de  l'Apostre,  et  puis  nous  reviendrons  a  la  consequence  qu'ilz  en  deduisent.  L'Apostre  en  ce  passage  la,  fait  comparaison  dc  la  loy,  si  on  la  separe  de  Iesus  Christ,  avec  l'Evangile.  Il  appelle  la  loy  lettre,  pource  que  sans  la  grace  de  Dieu,  c'est  une  doctrine  froide  et  sans  efficace,  d'autant  qu'elle  n'entre  point  iusqu'au  cueur:  comme  en  un  autre  lieu  il  nomme  la  circoncision  littcrale,  celle  qui  se  faict  au  corps,  pource  qu'elle  est  seulement  [page  62]  une  ceremonie  externe  (Rom.  2,  28).  Il  appelle  au  contraire  l'Evangile  doctrine  spirituelle,  pource  que  Iesus  Christ  y  est  comprins,  lequel  vivifie  la  parolle,  la  faisant  profiter  en  noz  ames  par  son  esprit.  Il  dict  puis  apres,  que  la  loy,  demeurant  ainsi  litterale,  occist,  d'autant  que  nous  no  pouvons  trouver  en  icelle  que  condamnation.  Ce  qu'il  declaire  tantost  apres:  adioustant  que  c'est  une  predication  de  mort.  Au  contraire  l'Evangile  vivifie,  d'autant  qu'il  nous  apporte  la  grace  de  Iesus  Christ,  par  laquelle  il  fructifie  en