52:174  nominatim  exprimit,  ne  cuiquam  malefaciant.  Speciosae  enim  interdum  excusationes  obtendi  solent:  Quid?  illum  adeo  nequam,  scelestum  et  crudelem  cur  non  liceat  mihi  ulcisci?  Verum  quia  ultio  sine  exceptione  nobis  interdicitur,  qualiscunque  sit  is,  qui  nos  laesit,  abstinendum  est  a  noxa.  Sed  semper  benignitatem.  Hoc  posteriore  membro  non  tantum  a  vindicta  abstinendum  esse  docet,  si  quis  nos  laeserit:  sed  colendam  erga  omnes  beneficentiam.  Etsi  enim  mutuam  inter  fideles  primo  esse  vult,  postea  tamen  ad  omnes,  quamvis  indignos,  eam  extendit:  ut  studeamus  malum  bono  vincere,  quemadmodum  idem  alibi  (Rom.  12,  21)  docet.  Primus  ergo  patientiae  gradus  est,  non  ulcisci  iniurias  :  secundus  vero,  etiam  hostes  beneficiis  prosequi.  16.  Semper  gaudete.  Hoc  ad  moderationem  animi  refero,  dum  placide  in  rebus  adversis  se  retinet,  neque  fraena  dolori  laxat.  Ideo  haec  tria  simul  connecto:  semper  gaudere,  i  n  d  e  s  i  n  e  n  t  e  r  orare,  et  gratias  Deo  agere  in  omnibus.  Nam  quum  assiduas  preces  commendat,  rationem  ostendit  perpetuo  gaudendi:  quia  hoc  modo  levationem  in  omnibus  malis  nostris  a  Deo  petimus.  Sic  ad  Philipp.  4,  4,  ubi  dixit:  Gaudete  in  Domino:  iterum  dico,  gaudete.  Moderatio  vestra  nota  sit  omnibus.  Ne  sitis  solliciti:  Dominus  prope  est.  Postea  rationem  demonstrat,  sed  in  omni  precatione  vestrae  postulationes  innotescant  Deo,  cum  gratiarum  actione.  Illic,  ut  videmus,  causam  gaudii  ponit  animum  tranquillum  ac  sedatum,  qui  vel  iniuriis,  vel  rebus  adversis  ultra  modum  non  turbetur.  Caeterum  ne  dolor,  tristitia,  anxietas,  metus  nos  opprimant  iubet  in  providentiam  Dei  recumbere.  Porro  quia  saepe  obrepunt  dubitationes,  an  curae  simus  Deo,  remedium  quoque  praescribit,  ut  precando  nostras  sollicitudines  quasi  in  eius  sinum  exoneremus.  Quemadmodum  David  Psal.  37,  5  et  55,  23,  praecipit,  et  eius  exemplo  Petrus  (1.  Pet.  5,  7).  Quia  autem  ID  votis  nimium  sumus  praecipites,  temperamentum  adscribit,  ut,  quae  desunt  expetentes,  non  tamen  desinamus  gratias  agere.  Eandem  fere  seriem,  licet  paucioribus  verbis,  hic  contexit.  Nam  primo  loco,  tanti  vult  a  nobis  aestimari  Dei  beneficia,  ut  eorum  agnitio  et  meditatio  tristitiam  omnem  superet.  Et  sane  si  reputamus  quid  nobis  Christus  contulerit,  nulla  erit  tanta  doloris  acerbitas  quae  non  leniatur  et  locum  cedat  spirituali  gaudio.  Nisi  enim  regnet  in  nobis  hoc  gaudium,  simul  a  nobis  regnum  Dei  exsulat,  vel  nos  ab  ipso.  Et  valde  ingratus  est  Deo,  cui  non  tanti  est  Christi  iustitia  et  spes  vitae  aeternae,  ut  in  media  tristitia  gaudeat.  Sed  quoniam  facile  animi  nostri  fatiscunt,  donec  impatientiae  succumbant:  notandum  est  remedium  quod  mox  adiungit.  Iacentes  enim  et  prostrati  erigimur  precibus,  quia  in  Deum  reiicimus  quod  nos  gravabat.  Quoniam  autem  multa  quoti-