29:174  Seigneur  donc  punira  bien  de  quelques  commoditez  terriennes  ceux  qui  sont  ainsi  lasches,  et  qui  no  8'employent  point  comme  ils  doyvent  :  mais  ce  n'est  pas  a  dire  qu'il  ne  les  doyve  tenir  pour  ses  enfans,  encores  qu'il  leur  face  sentir  quelque  chastiment  temporel,  lequel  il  fait  servir  &  leur  salut:  ils  recevront  bien  donc  le  chastiment  pour  leurs  infirmitez,  mais  ils  ne  laisseront  pas  d'estre  enfans  de  Dieu.  Voila  ce  que  nous  avons  a  retenir,  quand  il  est  parle  de  la  lignee  d'Issachar,  qui  par  couardise  se  tient  en  la  maison,  et  mesmes  qui  plie  les  espaules,  quand  on  luy  met  sus  beaucoup  de  charges,  de  tributs,  de  tailles:  ce  luy  est  tout  un.  Et  bien:  Dieu  voit-il  une  telle  laschete?  il  les  laisse  endurer  quant  au  monde:  mais  quoy  qu'il  en  soit  il  leur  declare  qu'il  ne  laissera  point  de  leur  estre  propice.  E$iouy-toy(dit-i\)en  tes  tabernacles.  Nous  voyons  donc  maintenant  plus  clairement  ce  que  nous  avons  dit,  c'est  assavoir  que  Moyse  n'a  pas  entendu  de  flatter  Issachar  en  ce  qu'il  estoit  a  condamner,  c'est  assavoir  en  ceste  laschete  dont  nous  avons  fait  mention  :  mais  pource  que  vice-la  estoit  quasi  incorrigible,  et  que  cependant  Dieu  devoit  chastier  ce  peuple  par  servitude,  par  tributs,  par  tailles:  pour  ceste  cause  Moyse  regarde  de  les  consoler:  sur  tout  les  fidelles,  qui  pouvoyent  entrer  en  desespoir,  se  voyans  ainsi  punis  de  la  main  de  Dieu.  Il  leur  dit:  Et  bien,  portez  en  patience  ce  fardeau,  car  vous  en  estes  dignes:  Dieu  vous  punit:  mais  quoy  qu'il  en  soit  ne  vous  desesperez  point,  car  il  ne  laissera  pas  de  vous  estre  pere:  encores  que  vous  soyez  ainsi  assuiettis  a  beaucoup  de  charges,  et  qu'il  semble  qu'il  ait  retire  sa  main  de  vous,  et  qu'il  ne  daigne  pas  vous  secourir,  toutesfois  encores  aura-il  pitie  de  vous.  Esiouissez-vou8  donc  en  vos  povretez  et  miseres.  Voila  comme  les  fidelles  doyvent  tousiours  adoucir  leur  tristesse,  quand  Dieu  les  chastie  en  ce  monde:  et  qu'il  les  chastie  en  telle  sorte,  que  neantmoins  il  ne  s'aliene  point  du  tout  d'eux:  qu'il  les  reserve  tousiours  de  sa  maison  et  de  son  Eglise.  Or  quand  Moyse  a  ainsi  parle  de  ces  deux  lignees,  ii  adiouste  en  commun:  QuHls  appelleront  les  peuples  en  la  montagne  pour  offrir  a  Dieu  sacrifices  de  iustice.  Il  n'y  a  nul  doute  que  Moyse  n'entende  ceci  de  la  montagne  de  Sion:  et  c'est  encores  une  autre  prophetie.  Car  nul  homme  ne  pouvoit  deviner,  que  Dieu  voulust  que  son  temple  fust  basti  en  ce  lieu  la:  tant  y  a  que  Moyse  met  que  ce  sera  en  la  montagne.  Il  est  vray  qu'il  disoit  bien:  Ton  Dieu  eslira  un  lieu  ou  son  Nom  sera  reclame  :  mais  au  bout  de  cent  ans,  de  quatre  cens  ou  de  six  cens,  on  ne  savoit  ou  seroit  ce  lieula.  Or  Moyse  assigne  la  montagne,  voire  par  esprit.  Car  il  faut  bien  que  Dieu  le  conduise  a  cela,  de  dire:  Ce  sera  en  la  montagne,  ou  mon  temple  sera  edifie.  Il  est  vray  qu'il  ne  nomme