15:174  Quant  vous  estes  assemblez,  chacung  peult  apporter  ce  quil  luy  est  donne  de  Dieu,  et  selon  que  chacung  a  plus  receu,  il  en  doibt  distribuer.  Et  ceux  qui  ne  sont  point  encores  tant  avancez,  doibvent  recevoir  en  toute  humilite  et  modestie  ce  qui  est  mis  en  avant.  Mais  cest  aultre  chose  denseigner  que  dadministrer  les  sacremens.  Car  pour  avoir  homme  qui  vous  distribue  la  saincte  Cene  de  nostre  Seigneur  Iesus  Christ,  il  fault  en  premier  lieu  quil  soit  esleu  et  choisy  pasteur  par  vous  dung  commun  accord.  Et  pour  ce  faire,  il  est  requis  que  TOUS  aiez  un  corps  dEglise  estably.  Cest  que  vous  soiez  resoluz  de  suyvre  le  train  et  ordre  de  vous  assembler,  comme  vous  avez  commence.  Non  pas  que  nous  requerioDS  de  vous  une  confession  publique.  Car  nous  scavons  bien  la  servitude  estroicte  en  laquelle  vous  estes  detenuz,  et  ainsi  cest  bien  assez  que  le  petit  troupeau  sassemblo  en  cachete.  Mais  tant  y  a  quil  vous  est  besoing  davoir  ceste  convenance  et  accord  de  continuer  tant  aux  prieres  communes  qua  la  predication  de  la  parolle,  pour  avoir  forme  dEglise.  Cela  presuppose,  quant  il  se  trouvera  entre  vous  homme  idoine  qui  soit  appelle  a  loffice  de  pasteur,  il  luy  sera  licite2)  de  vous  estre  ministre  des  sacremens.  Mais  advisez  que  ceux  qui  se  recueillent  ainsi  a  part,  pour  recevoir  les  sacremens  en  telle  purete  que  Dieu  le  commande,  ne  se  meslent  point  parmy  les  superstitions  papalles,  mais  que  vous  soiez  vraiement  separez  de  tout  ce  qui  est  contraire  a  nostre  Seigneur  Ie$os.  Oultre  plus  quil  vous  souvienne  que  ce  nest  pas  a  nous  de  separer  ce  que  Dieu  a  conioinct,  et  pourtant  quavec  lusage  de  la  Cene,  il  est  requis  davoir  aussi  le  Baptesme.  Car  si  apres  avoir  communique  ensemble  a  la  table  de  nostre  Seigneur  Iesus,  TOUS  allez  porter  voz  enfans  aux  prestres,  cest  une  pollution  qui  nest  point  a  souffrir.  Nous  ne  disons  point  cecy  pour  vous  retarder  de  ce  qui  est  bon.  Car  nous  desirons  bien  que  vous  iouissiez  comme  nous  des  moiens  et  aides  que  Dieu  nous  a  ordonnez  pour  fortifier  nostre  foy.  Mais  si  vault  il  mieux  vous  abstenir  pour  ung  peu  de  temps  de  ce  qui  est  bon  et  utile,  que  de  profaner  les  choses  sainctes  par  legerete.  Quant  doncques  vous  verrez  que  vous  ne  pouvez  obtenir  ce  qui  est  requis3)  pour  lusage  des  sacremens,  gemissez,  ^prians  Dieu  quil  vous  avance  et  supplee  a  voz  deffaux,  affin  que  voue  ne  soiez  point  tousiours  privez  des  biens  quil  a  laissez  a  ses  enfans,  et  taschez  plus  tost  de  corriger  les  vices  qui  vous  empeschent  den  user,  que  de  vous  nourrir  en  vostre  infirmite.  Pource  que  ie  na  vois  pas  grand  loisir,  FOUS  2)  il  sera  tenu  Bt.  3)  requis  om.  Bt.