10.1:174  perperam  vetitum  esset  coniugium  lege  Dei,  quia  nulla  esset  consanguinitas.  Viro  etiam  liceret  sororem  uterinam  in  coniugium  accipere,  modo  ex  altero  patre  esset  genita.  Non  minus  etiam  inepta  est  ratiocinatio,  quum  dicit  liberos  censeri  ex  patrum  conditione  vel  nobiles  vel  ignobiles.  Sicuti  enim  virilis  sexus  praestantiae  hoc  conceditur,  ita  etiam  in  servitute  partus  ventrem  sequitur,  secundum  iurisconsultos.  Unde  colligere  promptum  esset,  ex  materno  semine  foetum  procreari.  Nec  minus  barbara  est  illatio  Mennonis,  si  semen  conferant  mulieres,  fore  patres  sui  foetus  :  quia  mater  non  minus  parens  vocatur,  quam  pater.  Quum  ergo  parentum  commune  sit  nomen,  in  patris  et  matris  nominibus  sola  notatur  sexus  distinctio.  Ultimum  argumentum  per  se  evanescit.  Sicuti  enim  fateor  vim  passivam  mulieribus  adscribi,  ita  dico  promiscue  de  mulieribus  idem  praedicari  quod  de  viris.  Neque  enim  Christus  ipse  factus  dicitur  per  mulierem,  sed.  ex  muliere  (Gal.  4,  4).  Unde  apparet  quomodo  sine  ulla  verecundia  latret  hic  canis.  Quod  autem  per  ludibrium  quaerit,  an  dicere  velimus  ex  semine  menstruali  virginis  procreatum  esse  Christum,  scire  rursum  ex  eo  velim,  annon  in  sanguine  matris  coaluerit  Christus  :  siquidem  matris  partibus  functam  esse  Menno  ipse  alibi  non  negat.  Solutiones  quas  colligit  scripturae  testimonia  non  evertunt,  ubi  mulieribus  tribuitur  semen.  Neque  enim  eadem  vel  aequalis  est  foeminae  ac  terrae  conditio.  Et  quum  dicitur  quispiam  esse  ex  semine  mulieris,  non  potest  intelligi  sub  hac  voce  posteritas.  Tertio  autem  capite  Genesis  totum  humanum  genus  semen  mulieris  non  alio  sensu  vocatur,  nisi  quia  vere  ad  generandum  cooperatur  mulier.  Locus  etiam  ll  cap.  ad  Hebraeos  (v.  l  l  )  non  tam  facile  elui  se  patitur,  quod  Sara  virtutem  acceperit  ad  seminis  proiectionem,  quia  aperte  verbum  illud  sonat  emitti  semen  a  mulieribus:  et  clara  est  allusio  inter  TcaqapoXqv  et  verbum  Xa^avsa&ai.  Quod  ad  Christum  attinet,  non  efficiet  sola  et  nuda  promissio,  ut  dicatur  prodiisse  ex  lumbis  Abrahae  et  Davidis.  Absurda  quibus  nos  gravare  conatur,  improbis  calumniis  referta  sunt.  Nisi  concedat  sermonem  Dei  ab  initio  fuisse  eius  quoque  filium,  Deus  tunc  non  fuit  angelorum  pater:  et  tamen  antequam  nasceretur  matre  caruit.  Nos  vero  Christum  hominem,  qui  ex  Maria  natus  est,  Dei  non  minus  quam  hominis  filium  esse  concedimus,  licet  diverso  respectu.  Neque  enim  instar  Nestorii  duplicem  fingimus  Christum,  sed  personam  unam  constituimus  ex  duabus  naturis,  ut  sit  vere  Deus  manifestatus  in  carne  (1.  Tim.  3,  16).  Doctrinam  nostram  hac  in  parte  si  respuit,  Paulum,  ex  quo  verba  mutuamur,  derideat.