9:173  173  AD  WESTPHALUM.  174  simo,  1)  diserte  exprimat  invisibilem  praesentiam.  Carnisne  an  potentiae?  Nam  si  de  carne  tale  aliquid  proferatur,  mox  victus  cedam.  Quod  si  nominatim  caro  a  gratia  virtuteque  discernitur,  quid  Westphalo  impudentius  fingi  potest,  qui  invisibilem  illum  praesentiae  modum  carni  proprie  assignat?  Adde  quod  non  minus  in  signo  crucis  praesentem  Christum  statuit  Augustinus,  quam  in  coenae  actione:  quod  si  ad  carnis  essentiam  trahere  placet,  simul  ac  transversum  digitum  quis  moverit,  formatum  erit  Christi  corpus.  Locus  ex  sermone  CXL  de  tempore,  sibi  me  tacente  respondet.  Noluit  Dominus  agnosci  nisi  in  fractione  panis,  propter  nos  qui  non  visuri  eum  eramus  in  carne,  et  tamen  manducaturi  eius  carnem:  nam  ratio  manducandi,  qualem  scriptor  ipse  alibi  definit,  ubi  nota  fuerit,  omnem  quaestionem  solvet.  Verum  hic  liberalius  agit  Westphalus,  dum  nobis  clypeos  suppeditans,  suos  [pag.  96]  ipse  impetus  frangit.  Docet  enim  ex  Augustino  quomodo  absentem  teneamus  Christum:  quia  scilicet  corpus  suum  intulit  coelo,  maiestatem  non  abstulit  mundo.  Item  quod  de  praesentia  corporis  sui  dixerit:  Me  non  semper  habebitis  (Matth.  26,  11):  secundum  maiestatem,  secundum  providentiam,  secundum  ineffabilem  et  invisibilem  gratiam  dixerit:  Ego  vobiscum  sum  usque  ad  consummationem  saeculi  (Matth.  28,  20).  Videmus  ut  de  invisibili  praesentia  loquens  Augustinus  corpus  semper  eximat,  neque  ambigue  demonstret  non  nisi  in  coelo  illud  quaerendum  esse.  Neque  aliud  sonat  locus  ex  Psal.  XLVII  sentiri  praesentem  Christum  per  occultam  misericordiam.  In  quibus  verbis  si  quid  esset  obscuri,  locus  ex  XCII  in  Ioannem  plus  adhuc  lucis  addit:  quod  reliquerit  Christus  discipulos  praesentia  corporali,  futurus  sit  semper  cum  suis  praesentia  spirituali:  nisi  forte  epithetum  corporali  tantundem  valet  ac  visibilis.  Hoc  quidem  cuperet  [pag.  97]  Westphalus:  sed  nihil  clarius  est  quam  carnis  essentiam  distingui  a  spiritus  virtute.  Et  tamen  quasi  palmam  adeptus  clamat:  opponi  spiritualem  praesentiam  visibili.  In  quo  non  minus  stultitiam  suam  quam  impudentiam  prodit,  quum  ubique  Augustinus  Christum  carne  absentem  asserat.  Si  Westphalo  clara  sunt  verba,  modo  adsit  fides,  nobiscum  esse  quem  non  videmus,  cur  tenebris  lucem  ipse  obscurat?  Quanquam  nihil  proficit:  se  enim  pulchre  illustrat  Augustinus,  manus  in  coelum  mittendas  esse  negans,  sed  fidem,  ut  Christum  teneamus  :  quia  licet  corpus  suum  Christus  intulerit  coelo,  nos  tamen  non  deseruit:  quia  maiestas  eius  in  mundo  manet.  His  verbis  si  non  expergefiat  Westphalus  nihil  mirum,  cui  nullus  pudor  est,  ubi  re-  1)  Gallus  habet:  au  huitiesme,  quod  unde  habeat  nescimus.  Certe  ap.  Westphalum  Tract.  60  passim  allegatur  C.  8,  G.  5,6.