7:173  173  DES  LIBERTINS.  174  sens  par  incredulite  (2  Cor.  4,  3).  Autrement  ie  dis  qu'ilz  blasphement  Iesus  Christ,  en  se  voulant  faire  ses  singes.  1)  Ilz  alleguent  aussi  bien  ceste  sentence:  Que  nous  devons  estre  prudens  comme  serpens  (Matth.  10,  16).  Mais  puis  qu'il  requiert  de  nous  en  ce  lieu  la  mesme  une  simplicite  de  coulombz,  conioignons  les  deux  ensemble:  et  il  nous  sera  facile  de  iuger,  qu'il  ne  veut  pas  que  nous  ayons  une  astuce  malitieuse,  pour  tergiverser,  a  fin  d'abuser  le  monde:  mais  seulement  qti'il  nous  admoneste,  dc  ne  rien  faire  par  inconsideration.  Que  si  quelqu'un  desire  plus  ample  exposition  de  ceste  [page  58]  prudence,  pour  savoir  quelle  elle  doit  estre,  qu'il  la  prenne  de  sainct  Paul,  quand  il  dict  (Ephes,  b,  6),  que  puis  que  nous  conversons  au  milieu  de  ce  monde,  qui  est  tout  pervers,  que  nous  advisions  de  n'estre  point  seduis,  mais  de  cheminer  prudemment,  sachans  quelle  est  la  volonte  de  Dieu.  Or  ces  canailles,  soubz  ombre  de  ceste  belle  doctrine,  mentent  hardiment,  toutes  fois  et  quantes  qu'il  leur  vient  a  propos:  et  non  seulement  s'excusent  en  toutes  leurs  simulations  et  mensonges:  mais  aussi  s'y  glorifient,  voire  iusque  a  mettre  un  homme  innocent  en  dangier  de  mort,  pour  en  eschapper.  CHAPITRE  IX.  Quelle  auctorite  donnent  les  Libertins  a  la  saincte  Escriture.  Nous  avons  desia  dict,  que  du  commencement  ilz  se  moquoyent  apertement,  quand  on  leur  alleguoit  l'Escriture,  ne  dissimulans  point  qu'ilz  la  tenoyent  pour  fable.  Bien  est  vray  que  ce  pendant  ilz  ne  laissoyent  pas  de  [page  59]  s'en  servir,  s'il  y  avoit  quelque  passage  qu'ilz  peussent  destourner  en  leur  sens.  Mais  ce  n'estoit  pas  qu'ilz  y  adioustassent  foy:  ains  seulement  pour  troubler  les  simples,  et  les  esbranler  pour  les  gaigner  plus  aysement.  Si  on  repliquoit  alleguant  quelque  passage,  ilz  respondoyent  que  nous  ne  devons  pas  estre  subiectz  a  la  lettre  qui  occist,  mais  suyvre  l'Esprit  qui  vivifie.  Mesme  ce  pourceau  Quintin  avoit  impose  quelque  brocard  a  chacun  des  Apostres,  pour  les  rendre  contemptibles.  Comme  en  appellant  8.  Paul,  pot  casse:  sainct  Iehan,  iosne2)  sottelet,  en  son  picard:  sainct  Pierre  renieur  de  Dieu:  sainct  Matthieu  usurier.  Voila  comment  ce  pouacre3)  osoit  blasphemer  de  sa  puante  bouche.  Et  ceux  qui  en  devroyent  avoir  faict  une  punition  si  rigoreuse,  qu'elle  fust  en  exemple  a  tous,  le  nourrissent  et  1)  singes  d'iceluy  1566  suiv.  2)  ieusne  1547  ss.  3)  poacre  1566  suiv.  (foetoris  gaiges).