52:173  173  CAPUT  V.  174  sit,  viget  hoc  pacis  colendae  studium  quod  tantopere  Paulus  commendat.  14.  Monete  inordinatos.  Communis  est  doctrina,  ut  nobis  curae  sit  fratrum  salus.  Id  lit  docendo,  monendo,  corrigendo,  erigendo:  sed  quoniam  varia  sunt  hominum  ingenia,  non  abs  re  praecipit  apostolus  ut  se  fideles  ad  hanc  varietatem  accommodent.  Iubet  ergo  inordinatos  moneri,  hoc  est  eos  qui  dissolute  vivunt.  Et  monitio  pro  obiurgatione  capitur,  quae  eos  in  ordinem  reducat:  nam  et  digni  sunt  maiore  severitate,  nec  alio  remedio  adduci  possunt  ad  resipiscentiam.  Erga  pusillanimes  alia  moderatio  tenenda  est:  nam  consolatione  opus  habent:  infirmi  quoque  sunt  sublevandi.  Pusillanimes  autem  vocat,  qui  fracto  sunt  et  afflicto  animo.  His  atque  infirmis  sic  indulget,  ut  inordinatos  durius  compesci  velit.  Rursum  ita  inordinatos  aspere  moneri  iubet,  ut  infirmi  comiter  et  humane  tractentur,  ut  pusillanimes  consolationem  accipiant.  Frustra  ergo  qui  praefracti  sunt  et  indomiti,  blande  se  mulceri  postulant  :  quoniam  remedia  morbis  sunt  accommodanda.  Patientiam  tamen  erga  omnes  commendat:  nam  severitas  quoque  adversus  inordinatos  aliqua  lenitate  temperanda  est.  Quamquam  patientia  haec  taedio  proprie  opponitur.  Nihil  enim  proclivius  est  quam  fatigari  io  curandis  fratrum  morbis.  Qui  semel  atque  iterum  pusillanimem  solatus  est,  si  tertio  idem  agendum  sit,  sentiet  nescio  quam  molestiam,  adeoque  indignationem  quae  eum  in  officio  pergere  non  patitur.  Ita  si  monendo  vel  obiurgando  non  proficimus  statim  quantum  optandum  esset,  Bpem  de  ulteriore  profectu  abiicimus.  Eiusmodi  impatientiae  fraenum  iniicere  Paulus  voluit,  moderationem  erga  omnes  nobis  commendans.  15.  Videte  ne  quis  malum  pro  malo  cuiquam  reddat:  sed  semper  benignitatem  sectamini,  et  mutuam  inter  vos^  et  in  omnes.  16.  Semper  gaudete.  17.  Indesinenter  orate.  18.  In  omnibus  gratias  agite:  haec  enim  Dei  voluntas  in  Christo  Iesu  erga  nos.  19.  Spiritum  ne  exstinguatis  :  20.  prophetias  ne  contemnatis.  21.  Omnia  probate,  quod  bonum  est  tenete:  22.  ab  omni  specie  mala  abstinete.  15.  Videte  ne  quis.  Quia  difficilis  est  huius  praecepti  observatio  in  tanta  ingenii  nostri  ad  vindictam  propensione,  ideo  attentos  ad  cavendum  esse  iubet.  Nam  istud  videre  sedulum  studium  significat.  Tametsi  autem  simpliciter  prohibet  ne  certent  inter  se  iniuriis:  non  tamen  dubium  quin  omnes  simul  noxios  affectus  damnare  voluerit.  Nam  si  malum  malo  reddere  fas  non  est,  vitiosa  est  omnis  nocendi  cupiditas.  Propria  Christianorum  est  haec  doctrina,  non  retaliare  iniurias,  sed  aequo  animo  perferre.  Ac  ne  putarent  Thessalonicenses  ultionem  tantum  adversus  fratres  suos  prohiberi,