51:173  173  CAPUT  II.  174  lium  publicaretur.  Ideo  subiungit,  fructum  huius  pacis  nunc  oblatum  esse  tam  Iudaeis  quam  gentibus.  Unde  sequitur,  non  solis  Iudaeis,  sed  etiam  gentibus  Christum  venisse  in  salutem.  Nam  evangelii  praedicatio,  quae  promiscue  utrisque  destinata  est,  certum  est  eius  rei  testimonium.  Eundem  ordinem  tenet  in  2.  ad  Corinthios  cap.  5,  20:  Eum  qui  peccatum  non  noverat,  pro  nobis  peccatum  fecit.  Deinde:  Et  deposuit  apud  nos  ministerium  reconciliationis.  Itaque  Christi  nomine  legatione  fungimur.  Primum  salutis  materia  proponitur  in  Christi  morte.  Postea  describitur  modus,  quo  se  nobis  ac  mortis  suae  beneficium  Christus  communicat.  Sed  hic  Paulus  in  circumstantiam  hanc  proprie  incumbit,  ut  gentes  Iudaeis  coniungat  in  regno  Dei.  Ergo  sicuti  prius  utrisque  fecit  Christum  communem,  ita  etiam  nunc  in  evangelio  socios  facit.  Significans,  Iudaeos  quoque,  utcunque  legem  haberent,  simul  opus  habuisse  evangelio:  et  Deum  gentes  aequali  gratia  dignatum  esse.  Quos  ergo  aequa  gratiae  participatione  Deus  inter  se  coniunxit,  homo  ne  separet.  Voces  procul  et  prope  non  ad  loci  distantiam  referuntur,  sed  Iudaeos  Deo  propinquos  facit  ratione  foederis:  gentes  vero  remotas,  quae  a  regno  Dei  exsulabant,  quamdiu  nullam  habebant  salutis  promissionem.  17.  Evangelizavit  pacem.  Non  ipse  quidem  ore  proprio,  sed  per  apostolos.  Oportuit  enim  Christum  a  mortuis  resurgere,  antequam  gentes  in  communicationem  gratiae  vocaret.  Unde  illud  (Matth.  15,  24)  :  Non  sum  missus  nisi  ad  oves  quae  perierant  domus  Israel.  Quin  etiam  apostolis  prohibet,  dum  adhuc  est  in  mundo,  ne  primam  suam  legationem  ad  gentes  perferant  (Matth.  10,  5).  Ergo  per  apostolos  suos,  tanquam  per  tubas,  evangelium  gentibus  promulgavit.  Itaque  *)  quod  non  eius  tantum  nomine  ac  mandato  factum  est  a  discipulis,  sed  quasi  in  eius  persona,  merito  ei  soli  tribuitur.  Sic  enim  loquimur,  tanquam  ipso  Christo  per  nos  exhortante:  et  sane  perquam  infirma  esset  evangelii  fides,  si  in  homines  tantum  respiceremus.  Sed  inde  tota  autoritas,  quod  homines  agnoscimus  esse  Dei  organa,  et  Christum  per  os  eorum  nobis  loquentem  audimus.  Observa  etiam,  evangelium  esse  pacis  nuntium,  quo  Deus  se  nobis  propitium  testatur  paternamque  suam  dilectionem  nobis  defert.  Quare  sublato  evangelio  bellum  et  inimicitiae  inter  Deum  et  homines  manent.  Sicuti  rursum  hic  proprius  est  evangelii  effectus,  pacificare  conscientias  et  tranquillas  reddere:  quas  alioqui  misera  inquietudine  torqueri  necesse  est.  18.  Quoniam  per  ipsum  ambo  accessum  habemus.  Probatio  est  ab  effectu  et  simul  pacis  declaratio:  quia  patet  nobis  ad  Deum  accessus.  Nam  impii,  dum  altum  somnum  dormiunt,  se  interdum  delu-  *)  Quare  quod  apostoli  fecerunt.