50:173  173  CAPUT  L  174  Tantum  volui  admonere,  aliud  hic  (meo  iudicio)  accipi  pro  alia  re.  Quemadmodum  solemus  dicere,  hoc  nihil  est  nisi  quod  vis  fallere.  Volunt  evertere.  Secundum  crimen  illis  impingit,  quod  faciant  Christo  iniuriam,  evangelium  illius  evertere  volentes.  Est  autem  valde  atrox  crimen.  Nam  eversio  plus  est  quam  corruptela.  Neque  tamen  immerito  illis  impingit.  Neque  enim  stat  Christus,  et  evangelii  doctrina  corruit,  ubi  alio  transfertur  laus  hominis  iustificandi,  et  conscientiis  laqueus  induitur.  Semper  enim  videndum,  quae  sint  in  evangelio  praecipua.  Haec  qui  oppugnat,  destruetur  est  evangelii.  Nomen  C  h  r  i  s  t  i  ,  quod  additur,  exponi  bifariam  potest.  Vel  quod  a  Christo  autore  profectum  sit:  vel  quod  pure  Christum  ostendat.  Caeterum  non  dubium  est  quin  hoc  epitheto  designare  voluerit  verum  germanumque  evangelium,  quod  unicum  censeri  debet.  8.  Verum  etiamsi  nos.  Hic  magna  confidentia  insurgit  ad  vendicandam  doctrinae  suae  autoritatem.  Ac  primo  quidem  doctrinam  a  se  praedicatam  asserit  esse  unicum  illud  evangelium,  quod  nefas  sit  labefactari.  Poterant  enim  alioqui  excipere  pseudoapostoli:  Nos  quoque  volumus  evangelium  manere  illibatum,  nec  minus  honorifice  quam  tu  de  illo  sentimus.  Quemadmodum  hodie  papistae  clamitant,  sibi  sacrosanctum  esse  evangelium,  et  nomen  ipsum  magna  reverentia  exosculantur:  sed  quum  ad  probationem  ventum  est,  tunc  puram  et  simplicem  evangelii  doctrinam  rabiose  vexant.  Ergo  Paulus  generali  illa  testificatione  non  contentus,  definit  quale  sit  illud  evangelium  et  quid  contineat:  ac  suam  doctrinam  pronuntiat  verum  esse  evangelium,  ne  alibi  quaeratur.  Quid  enim  profuerit  dare  nomen  evangelio  et  nescire  quid  sibi  velit?  Apud  papistas  quidem  id  forte  sufficeret,  ubi  valet  fides  implicita:  sed  apud  Christianos  nulla  est  fides,  ubi  nulla  est  cognitio.  Ergo  ne  Galatae,  evangelio  alias  obedire  parati,  vacillent  huc  et  illuc  et  suspensi  non  inveniant  ubi  debeant  pedem  figere:  Paulus  in  sua  doctrina  consistere  eos  iubet.  Porro  adeo  certam  haberi  fidem  vult  suae  praedicationi,  ut  maledictionem  denuntiet  omnibus,  qui  contradicere  ausi  fuerint.  Quin  etiam  incipit  a  se  ipso,  quod  operaepretium  erat.  Nam  ita  calumniam  praevenit,  qua  eum  gravassent  malevoli:  Tu  absque  controversia  recipi  vis  quidquid  abs  te  prodierit,  quia  tuum  est.  Ergo  ut  ostendat  nullam  se  hic  habere  rationem  sui,  potestatem  quidquam  audendi  adversus  hanc  doctrinam  in  primis  sibi  adimit.  Non  alios  sibi  hoc  modo  subiicit:  sed  omnes  secum,  ut  par  est,  cogit  in  ordinem,  ut  verbo  Dei  sint  subiecti.  Sed  quo  maiore  impetu  prosternat  falsos  apostolos,  usque  ad  angelos  conscendit.  Neque  simpliciter  audiendos  negat,  si  quid  aliud  afferant:  sed  exsecrabiles  esse  debere  pronuntiat.  Videri  possit  hoc  absurdum  nonnullis,  quod  angelos