42:173  173  SUR  LE  XII.  CHAP.  DE  DANIEL.  174  aussi  iusqu'a  mille  troia  cens  trente  cinq  iours,  c'est  a  dire,  qu'encores  que  ce  demi  terme  fust  allonge  selon  l'opinion  des  hommes,  comme  il  y  ha  ici  de  superabondant  environ  quarante-cinq  iours  d'avantage,  ii  faut  que  nous  soions  patiens,  attendans  tousiours  la  fin,  et  l'issue  que  Dieu  nous  promet:  combien  donc  qu'il  y  ait  un  mois  ou  six  semaines,  a  endurer  d'avantage  que  nous  n'eussions  pense,  o  il  ne  faut  point  perdre  courage  pour  cela,  mais  poursuivre  iusques  a  la  fin.  Voila  donc  comme  ce  passage  nous  doit  estre  maintenant  bien  facile,  car  Dieu  n'ha  voulu  declarer  sinon  ce  qui  avoit  este  dit  auparavant,  sinon  que  l'Eglise  sera  persecutee  iusques  en  la  fin,  tant  y  ha  neantmoins  que  le  temps  sera  accourci,  c'est  a  dire,  qu'il  y  aura  bonne  issue  et  heureuse  a  toutes  les  afflictions  des  fideles,  comme  il  ha  este  dit.  Or  pour  conclusion  Fange  renvoie  Daniel  en  son  repos,  Toy  Daniel  repose  toy,  comme  s'il  disoit,  Contente-toy  de  ce  qui  t'est  revele,  et  ainsi  nous  avons  encores  en  ce  passage  une  bonne  doctrine,  car  c'est  autant  comme  si  Dieu  nous  declaroit,  Mes  enfans,  suffise  vous  que  ie  vous  aie  instruits  de  ma  volonte,  tant  que  ie  connois  qu'il  vous  est  expedient  pour  vostre  salut,  que  vous  ne  soies  point  temeraires  ni  outrecuides,  pour  dire,  Et  pourquoy  ne  pourrons-nous  pas  bien  entendre  cela?  Non,  alles  vous  en  iusques  a  la  fin  des  iours,  c'est  a  dire,  qu'il  vous  suffise  d'estre  ignorans  en  partie,  iusques