30:173  173  IN  I.  LIB.  SAMUEL.  CAP.  XVI.  174  mus,  et  Dei  gratiae  fieri  participes,  ab  eo  accipiamus  qui  potestatem  habet  ea  conferendi  quae  per  signa  repraesentat:  futuris  alioquin  signis  illis  omnibus  inanibus  et  illusoriis.  Deinde  observandum,  Deum  aliquos  vocantem  ad  aliquod  ministerium,  iisdem  etiam  facultatem  munus  illud  ad  quod  vocantur  implendi  suppeditare.  Nam,  ut  ait  Paulus,  non  sumus  natura  satis  ad  istas  functiones  idonei  :  solus  Deus  suam  ecclesiam  regit,  et  in  mundo  omnia  administrat.  Quare  tantum  abest  ut  sit  aliquis  idoneus  ad  populum  aliquem,  aut  ad  ecclesiam  Dei  regendam,  ut  ne  regendae  quidem  familiae  sufficiat,  nisi  sancto  Dei  spiritu  regatur.  Imo  ne  se  quidem  aliquis,  multo  minus  familiam  rexerit,  sine  sancti  spiritus  dono.  Quamobrem  si  homines  natura  omni  bono  vacui  sunt,  et  ad  omne  bonum  inutiles,  immo  si  ne  movere  quidem  pedem  sine  Dei  gratia  possunt,  quis  per  se  idoneus  erit  ad  munus  quodcunque  tandem  illud  sit  exsequendum,  nisi  a  Deo  sufficientiam  accipiat?  quare  omnes  divina  ope  et  auxilio  indigent.  Qui  ergo  ad  summa  rerum  gubernacula  sedent,  multis  virtutibus,  puta  prudentia,  consilio,  intelligentia,  sapientia,  integritate  et  candore  ad  munus  perficiendum  indigent:  sed  quis  eas,  obsecro,  suppeditabit?  Sane  profani  homines  eo  stultitiae  et  arrogantiae  devenerunt,  ut  illas  fortuito  sibi  contingere  persuadeant,  vel  industria  propria  comparari:  sed  Deo  soli  laudem  istam  deberi  sciendum  est,  qui  prout  ipsi  videtur  ea  mensura  cuique  metitur  et  distribuit  sua  dona  qua  ipsi  placet,  et  hoc  vel  illud  munus  idoneos  facit.  Atque  hoc  ipsum  nos  Paulus  docet  priores  epistolae  ad  Corinthios  capite  12,  ubi  docet  spiritus  manifestationem  in  totius  ecclesiae  esse  commodum:  et  ad  unicum  illum  omnium  bonorum  fontem  nos  revocat,  unicum  inquam  spiritum  qui  omnia  est  in  omnibus,  quaecunque  tandem  sit  donorum  diversitas.  Unde  vero  dona  illa  manarunt?  Paulus  docet  Deum  instituisse  in  ecclesia  sua  alios  apostolos,  alios  prophetas,  alios  doctores,  et  alios:  et  vocatos  etiam  ad  munera  virtutibus  necessariis  instruxisse,  ut  illa  possent  sustinere.  Ergo  Deus  non  temere  homines  vocat,  et  ipsos  sibi  ipsis  permittit,  ut  faciant  quod  voluerint  aut  poterunt,  sed  tenuitatem  illorum  et  impotentiam  compertam  habens,  idoneos  facit  ad  muneris  illius  ad  quod  vocantur  exsequutionem.  In  primis  vero  quibus  praedicandi  verbi  divini  in  ecclesia  cura  commissa  est  hoc  animadvertunto.  Nam  non  immerito  Paulus  istius  muneris  difficultatem  intuens,  exclamat  :  Quis  ad  haec  idoneus?  et  paulo  post,  ait:  Non  quod  nos  sufficientes  simus  ut  cogitemus  aliquid  tanquam  ex  nobis  ipsis,  sed  facultas  nostra  ex  Deo  est.  Neque  vero  in  diem  unum  aut  alterum  gratia  Dei  invocanda,  sed  quamdiu  provinciam  aliquam  sustinemus,  in  Deum  omnis  cura  nostra  et  solicitudo  coniicienda