29:173  173  SUR  LE  DEUTER.  CHAP.  XXXIII.  174  ragez,  ainsi  qu'il  en  a  este  touche  par  ci  devant,  qu'il  sembloit  que  Dieu  les  eust  reprouvez,  disant:  "vous  n'estes  pas  dignes  de  iouir  de  la  liberte  commune  que  i'ay  donnee  a  mes  enfans:  car  vous  estes  de  nature  servrle,  vous  estes  de  gros  villains,  Iui  vous  laissez  ici  matter:  il  sembloit  donc  que  Heu  donnast  la  une  marque  d'ignominie,  pour  les  reietter  du  rang  de  ses  enfans:  afin  que  les  fidelles  cogneussent  que  nonobstant  qu'ils  portassent  un  fardeau  dur,  quant  au  monde,  que  toutesfois  Dieu  ne  laissoit  pas  de  les  benir.  Voila  l'intention  de  Moyse.  Or  ici  nous  avons  a  noter  en  general,  combien  que  les  hommes  soyent  habiles  au  travail,  quand  ils  auront  industrie,  et  que  rien  ne  leur  defaudra,  si  faut-il  neantmoins  que  toute  leur  prosperite  vienne  de  Dieu  et  de  sa  pure  grace.  Car  ce  n'est  point  sans  cause  que  Moyse  rameine  ici  la  lignee  de  Zabulon  a  Dieu.  Voila  de  gens  qui  ne  8'espargnent  point,  ils  exposent  leur  vie  en  hazard,  ils  traffiquer^  ca  et  la  en  pays  estranges:  on  diroit  que  s'ils  sont  riches,  il  ne  s'en  faut  point  esbahir,  car  ils  ont  l'esprit,  ils  sont  vigilans,  il  y  a  le  travail,  ils  ont  les  moyens  humains:  voiremais  quand  tout  cela  sera  venu  en  conte,  il  nous  est  monstre  que  sans  la  benediction  de  Dieu  tout  leur  seroit  inutile.  Et  ainsi  donc  apprenons  de  ne  point  rien  presumer  de  nostre  labeur  ou  vertu,  ou  de  rien  qui  soit:  mais  qu'un  chacun  se  recommande  a  Dieu,  afin  qu'il  nous  conduise  en  toutes  nos  affaires,  comme  nous  avons  veu  par  ci  devant:  Tu  ne  diras  point  que  c'est  ta  main  qui  t'a  acquis  a  manges:  mais  cognoy  que  ton  Dieu  qui  a  nourri  tes  peres  '  par  l'espace  de  quarante  ans  au  desert,  auiourd'huy  c'est  celuy  duquel  tu  recois  nourriture.  Voila  donc  quant  a  un  item.  Et  au  reste  quant  a  la  lignee  d'Issachar,  nous  avons  a  noter  que  s'il  plaist  a  Dieu,  a  cause  de  nostre  imperfection,  de  nous  priver  de  quelques  biens  terriens,  qu'il  ne  faut  point  pour  cela  nous  fascher  outre  mesure:  mais  portons  patiemment  le  ioug,  qu'il  nous  suffise  que  Dieu  cependant  nous  convertit  a  bonne  fin  ce  qui  de  soy  a  este  comme  un  tesmoignage  qu'il  nous  reprouve,  et  qu'il  nous  fait  servir  cela  a  un  aide  de  nostre  salut.  Exemple,  il  adviendra  qu'un  peuple  aura  quelque  vice  en  soy,  comme  nous  en  verrons  les  uns  qui  seront  grossiers,  qui  ne  s'adonneront  point  a  beaucoup  de  choses  qui  seroyent  bonnes  et  propres:  les  autres  seront  lasches  de  coeur:  les  autres,  encores  qu'ils  ne  s'espargnent  point,  toutesfois  auront  quelque  autre  vice,  qui  les  empeschera  qu'ils  ne  pourront  pas  du  tout  cercher  leur  profit  et  leurs  commoditez.  Et  bien,  nostre  Seigneur  les  privera  ausai  de  beaucoup  de  choses,  qu'il  donnera  aux  autres  qui  travaillent,  sa  main  sera  estendue  pour  benir  le  labeur  de  ceux  qui  s'employent,  quand  ils  auront  industrie.  Nostre