10.1:173  CONSILIA.  tura,  iam  neque  sol  lucidus  erit,  sed  totus  coeli  et  terrae  ordo  informe  erit  et  horrendum  chaos.  Quidquid  blaterat  ut  probet  non  esse  mulieribus  generativum  semen,  refutatione  indignum  est.  Atque  hoc  potius  medicis  relinquo  tractandum.  Rationum  tamen  quas  adducit,  ea  est  futilitas,  quae  nullo  negotio  refelli  queat.  Onan  filius  Iuda  semen  effudit  in  terram.  Idem  nusquam  legitur  de  muliere.  Quasi  vero  revelandis  mulierum  pudendis  hic  nebulo  se  oblectet.  Vir  immundus  dicitur,  de  quo  egreditur  proiectio  seminis.  Nimis  stulte  infert  non  contingere  mulieribus  immundum  fluxum.  Nam  hac  ratione  nulla  esset  nativa  immundities  in  foeminis,  in  cuius  remedium  solis  viris  data  est  circumcisio.  Sapientiae  septimo  (v.  2)  coagulatus  dicitur  homo  sanguine  ex  semine  viri.  Hinc  contendit  mulieri  adscribi,  quod  eius  proprium  est,  nempe  sanguinem.  Quasi  vero  aliud  sit  sperma  quam  sanguis  ad  generandum  concretus.  Unde  sequitur  foetum  tam  ex  mulieris  quam  viri  substantia  coalescere.  Locum  Pauli,  ubi  docet  non  esse  virum  ex  muliere,  sed  mulierem  ex  viro  (L  Cor.  l  l  ,  8),  sceleste  hic  nebulo  corrumpit:  quia  illic  minime  dubium  est  tractari  de  principio  humani  generis,  non  autem  de  continua  propagatione,  cuius  statim  altero  membro  meminit  apostolus,  ubi  dicit  virum  esse  per  mulierem.  Quod  obiicit,  Aaron  et  Ioiada  duxisse  uxores  ex  tribu  Iuda,  ac  inde  colligit  confusam  tunc  fuisse  tribuum  discretionem,  si  inesset  mulieri  generativum  semen,  nimis  frigidum  est.  Satis  enim  notum  est  quantum  ad  politicum  ordinem  spectat,  censeri  progeniem  ex  virili  semine.  Superior  tamen  sexus  dignitas  non  facit,  quo  minus  in  generando  coeat  semen  mulieris.  Haec  quoque  solutio  ad  omnes  genealogias  extenditur.  Saepe,  ubi  catalogum  hominum  recenset  scriptura,  solos  viros  nominat:  an  ideo  dicendum  est  mulieres  nihil  esse?  imo  pueris  ipsis  notum  est  mulieres  sub  viris  comprehendi.  Hac  quoque  ratione  dicuntur  foeminae  parere  suis  maritis,  quia  familiae  nomen  penes  masculos  semper  residet.  In  mysterio  ecclesiae  pueriliter  prophetatur.  Neque  enim  si  ecclesia  dicitur  mater  nostra,  ideo  protinus  in  carnali  et  spirituali  generatione  singulae  partes  inter  se  respondent.  Creatio  nequaquam  ostendit  quod  vult  Menno,  mulieres  carere  semine.  Nam  sicuti  cx  vii  o  creata  est  prima  mulier,  ita  ex  utroque  geniti  sunt  posteri.  Stulte  a  voce  seminis  ratiocinatur.  Nam  si  semen  hominis  manu  iactum  terra  excipitur,  non  inde  sequitur,  in  coitu  viri  et  mulieris  idem  valere.  Quin  potius  contendere  licebit,  quia  matres  olim  genitrices  vocatae  sunt,  semen  earum  ad  generationem  concurrere.  Alioqui  avunculi  cum  nepte  sua