9:172  deret,  ubicunque  sit  Christi  corpus,  pro  sua  natura  esse  visibile.  Ubi  vero  [pag.  92]  ad  modum  invisibilem  ventum  est,  repetit  quae  ante  protulerat  testimonia  de  praesentia  gratiae.  Quasi  vero  sequatur  dum  ad  nos  Christus  cum  patre  venit,  corpore  in  terra  sisti:  quum  reclamet  tota  scriptura,  virtute  spiritus  sui  ad  nos  penetrare.  Carnem  Christi  quam  oculis  non  cernimus,  fidei  sensu  experimur  in  nobis  esse  vivificam.  Si  nulla  hic  intercederet  spiritus  operatio,  merito  gloriaretur  Westphalus  se  vicisse.  Verum  si  constat  arcana  spiritus  efficacia  fieri,  ut  pascantur  animae  nostrae  Christi  carne,  certo  colligitur  non  nisi  coelestem  esse  praesentiae  modum,  ut  minime  ad  nos  caro  ipsa  descendat.  Atque  his  paucis  satis  detecta  est  Westphali  inopia,  ne  syllabam  pro  suo  errore  ex  tota  scriptura  proferre  queat.  Quid  quod  antithesis  Verbi  et  Carnis  apud  Augustinum  ubi  de  absentia  et  praesentia  Christi  agitur,  commentum  Westphali  prorsus  excludit?  Audiendum  esse  Christum  dicit  [pag.  93]  Augustinus  ac  si  coram  adesset:  quia  licet  uno  in  loco  corpus  eius  esse  oporteat,  veritas  eius  ubique  diffusa  est.  Certe  si  invisibili  modo  per  verbum  suum  carne  se  praesentem  exhiberet  Dominus,  perperam  absentem  carne  diceret  Augustinus,  qui  nobiscum  est  in  verbo  suo:  ac  perperam  in  absentiae  et  praesentiae  discrimine  corpus  verbo  opponeret.  Quascunque  nebulas  obducat  Westphalus,  magis  hoc  perspicuum  est  quam  ut  lectores  nugando  obstupefaciat.  Quam  facete  vero  dum  perplexus  tenetur,  usitatam  esse  expositionem  dicit,  de  eucharistia  Augustinum  sentire  quod  Christi  veritas  ubique  sit  difFusa.  Quasi  vero  quisquam  nisi  phreneticus  alio  trahere  verba  possit  quam  ad  evangelii  doctrinam,  cui  reverentiam  illic  data  opera  Augustinus  conciliat.  Obtendit,  simili  sensu  alibi  sacrificium  corporis  Christi  dici,  in  toto  orbe  esse  diffusum.  Quasi  vero  si  ubique  gentes  ad  participandum  [pag.  94]  sacrificii  sui  fructum  invitet  Christus,  ideo  sequatur  corpus  eius  esse  immensum.  Atque  ut  verbum  diffundendi  ad  coenae  actionem  pertineat,  cui  tamen  persuadeat  quod  intendit,  corpus  Christi  esse  ubicunque  coena  peragitur?  Quod  tamen  de  fructu  mortis  aperte  pronunciat  Augustinus,  de  coena  dici  Westphalus  contendit:  et  quod  sanctus  ille  vir  celebrari  ubique  docet  sacrificium  quo  defunctus  est  Christus,  ad  ecclesiam  alludens  toto  orbe  diffusam,  quod  de  fidelium  corpore  dicitur,  ad  caput  trahi  nonne  praeposterum  est?  Caeterum  ubi  multum  se  versavit  Westphalus,  huc  tandem  recidit,  vim  fieri  Augustini  verbis  si  privemur  praesentia  corporis  Christi  quam  alibi  asserit.  Sed  in  probatione  quum  hactenus  laboraverit,  instar  limacis  progressus  est.  Ideoque  manet  illud  fixum,  Filium  Dei,  licet  nobis  per  verbum  suum  adsit,  corpore  suo  sursum  esse.  Pergit  tamen  adhuc:  [pag.  95]  quod  Augustinus  tractatu  in  Ioannem  quinquage-