7:172  soubz  terre:  qu'il  n'avoit  point  commande  en  vain  au  peuple  d'Israel,  de  le  chercher  (Es.  45,  19).  Ferons  nous  ce  deshonneur  a  nostre  Seigneur  Iesus,  de  dire  qu'il  soit  venu  au  monde  pour  obscurcir,  ou  plustost  esteindre  la  clarte  [page  55]  qui  estoit  au  paravant?  pour  brouiller  ce  qui  estoit  liquide?  pour  envelopper  ce  qui  estoit  sans  doubte?  Comment  cela  luy  competeroit  il,  veu  qu'il  est  le  soleil  de  iustice  (Mal.  4,  2)?  veu  qu'il  est  la  lumiere  du  monde  (Iean  8,  12):  et  que  son  oifice  est  d'esclarcir  les  tenebres?  N'est  ce  pas  le  blasphemer  trop  outrageusement?  D'avantage  il  s'en  faut  beaucoup,  que  ce  que  sainct  Paul  dict  de  l'Evangile  (2  Cor.  B,  14;  4,  4),  s'accorde  a  ce  qu'ilz  pretendent.  Car  il  luy  donne  ce  tesmoignage,  que  c'est  une  doctrine  patente  et  lui  sante,  pour  nous  manifester  la  face  de  Dieu  en  Iesus  Christ,  sans  qu'il  y  ait  aucun  voile  pour  empescher  ce  regard.  Puis  il  adiouste  que  s'il  y  a  quelqu'un  qui  ne  voye  goutte  en  si  grande  clarte,  il  faut  qu'il  soit  aveugle  du  Diable.  Ie  laisse  aux  lecteurs  a  considerer  combien  il  y  a  a  dire  entre  sainct  Paul  et  ces  brouillons.  C'est  qu'il  &e  vante  d'avoir  une  doctrine  claire,  pure,  certaine,  facile  a  tout  le  monde,  disant,  que  celuy  qui  use  d'obscurite,  emprunte  un  voile  d^  honte,  pour  couvrir  sa  turpitude.  Ceux  cy  mettent  [page  56]  peine  non  seulement  a  entortiller  leur  doctrine,  en  sorte  qu'on  n'y  voye  ne  fin  ne  commencement:  mais  aussi  a  la  tourner  ca  et  la,  et  faire  des  ioueurs  de  passe  passe.  Quant  a  cest  exemple  de  Iesus  Christ,  dont  ilz  s'arment:  il  faudroit  que  Iesus  Christ  se  renoncast,  pour  adherer  a  eux.  Car  il  n'est  point  d'une  nature  contraire  a  celle  de  son  Evangile.  Et  comme  i'ay  desia  remonstre,  il  n'a  pas  parle  en  paraboles,  pour  tenir  propos  a  deux  visages,  ou  pour  gergonner  sans  intelligence:  mais  plustost  pour  mieux  imprimer  sa  doctrine  aux  cueurs  des  fideles,  et  luy  donner  plus  de  lustre.  IJt  combien  que  ces  infideles  n'y  entendoyent  rien  et  n'en  rapportoyent  nul  profit,  si  n'est-ce  pas  a  dire  que  ce  fussent  enigmes  confus:  mais  plustost  faut  regarder  dont  la  faute  venoit.  Or  il  Pexprime  quand  il  reitere  tant  souvent:  Celuy  qui  a  aureilles  pour  ouyr  qu'il  oye.  Car  par  cela  il  signifie  qu'il  y  en  a  beaucoup  de  sours  ausquelz  on  a  beau  parler  devant  qu'ilz  escoutent.  Finablement  il  conclud  [page  57]  qu'en  iceux  est  verifie  le  dire  d'Esaie,  qu'ilz  sont  aveuglez  en  leur  entendement,  et  endurcis  en  leur  cueur,  a  fin  de  perir  en  leur  incredulite  (Matth.  13,  14;  Es.  6,  9  ss.).  Parquoy  s'ilz  veulent  estre  estimez  vrays  imitateurs  de  nostre  Seigneur,  qu'ilz  facent  comme  sainct  Paul:  qu'ilz  ostent  et  reiectent  tous  voiles,  qui  sont  signes  de  honte,  et  nous  enseignent  un  Evangile  pur  et  net,  et  qui  ne  soit  difficile  a  entendre,  sinon  a  ceux  qui  seront  alienez  de  leur