56:172  ses  pierres,  ses  bois,  avec  tout  le  mortier,  et  les  transportera  hors  de  la  cite  en  un  lieu  immonde.  46.  Et  si  aucun  est  entre  en  la  maison,  tout  le  temps  durant  qu'il  l'avoit  fait  fermer,  il  sera  souille  iusqu'au  vespre.  47.  Et  qui  dormira  en  la  maison,  il  lavera  ses  vestemens:  qui  mangera  aussi  en  la  maison,  il  lavera  ses  vestemens.  48.  Or  quand  le  Sacrificateur  y  sera  entre,  et  verra  que  la  playe  ne  sera  point  accreue  en  la  maison  apres  l'avoir  fait  renduire,  il  iugera  la  maison  estre  nette:  car  sa  playe  est  curee.  49.  Lors  il  prendra  pour  purifier  la  maison,  deux  passereaux,  du  bois  de  cedre,  du  fil  teint  en  graine,  et  de  Physsope,  50.  Et  tuera  l'un  des  passereaux  en  un  vaisseau  de  terre  avec  eau  vive.  51.  Et  prendra  le  bois  de  cedre,  l'hyssope,  le  fil  teint  en  graine,  et  le  passereau  vif,  et  les  mouillera  au  sang  du  passereau  tue,  et  en  l'eau  vive:  puis  arrousera  la  maison  par  sept  fois.  52.  Il  purgera  donc  la  maison  avec  le  sang  du  passereau,  et  avec  eau  vive,  et  avec  le  passereau  vif,  le  bois  de  cedre,  l'hyssope  et  le  fil  teint  en  graine.  53.  Puis  il  laissera  aller  le  passereau  vif  hors  de  la  cite,  parmi  les  champs,  et  reconciliera  la  maison:  ainsi  sera  nette.  54.  C'est  la  loy  de  toute  la  playe  de  lepre,  de  la  tigne,  55.  De  la  lepre  tant  de  robbe  que  de  maison:  56.  De  l'enfleure,  de  la  rongne,  et  de  la  tache  blanche,  57.  Pour  apprendre  en  quel  temps  la  chose  est  souillee,  et  en  quel  temps  elle  est  nette.  Telle  est  donc  la  loy  de  lepre.  Chapitre  XV.  1.  L'Eternel  parla  a  Moyse,  et  a  Aaron,  disant,  2.  Parlez  aux  enfans  d'Israel,  et  leur  dites,  Quiconque  sera  decoulant  par  son  membre,  il  sera  immonde.  3.  Et  telle  sera  la  souillure  de  son  flux,  quand  son  membre  distillera  son  flux,  ou  son  membre  aura  fait  marque  de  son  flux,  c'est  sa  souillure.  4.  Tout  lit  sur  lequel  aura  dormi  celuy  qui  decoule,  sera  souille:  et  toute  chose  sur  quoy  il  sera  assis,  sera  souillee.  5.  Quiconque  aussi  attouche  a  son  lit,  il  lavera  ses  habillemens,  et  se  lavera  d'eau,  et  sera  souille  iusqu'au  vespre.  6.  Qui  pareillement  s'asserra  sur  quelque  chose  sur  quoy  celuy  qui  decoule  se  soit  assis,  il  lavera  ses  habillemens,  et  se  lavera  d'eau,  et  sera  souille  iusqu'au  vespre.  7.  Item,  celuy  qui  touchera  la  chair  de  cii  qui  decoule,  il  lavera  ses  vestemens,  et  se  lavera  d'eau,  et  sera  souille  iusqu'au  soir.  8.  Item,  si  celuy  qui  decoule  crache  sur  celuy  qui  est  net,  il  lavera  ses  vestemens,  et  se  lavera  d'eau,  et  sera  souille  iusqu'au  vespre.  9.  Item,  toute  monture  sur  laquelle  chevauchera  celuy  qui  decoule,  sera  souillee.  10.  Item,  quiconque  attouchera  a  quelques  choses  qui  auront  este  sous  luy,  sera  souille  iusqu'au  vespre.  Et  qui  les  portera,  lavera  ses  vestemens,