55:172  omni  molestia,  vitamque  felicem  et  bonis  omnibus  affluentem  degere:  ipsum  tamen  ultro  subiisse  mortem  acerbam  et  plenam  ignominia.  Nam,  pro  gaudio,  idem  valet  atque  Loco  gaudii:  et  gaudium  genus  omne  commoditatis  comprehendit.  Propositum  autem  dicit  quod  in  manu  Christi  erat,  ut  si  libuisset,  facultas  esset  utendi.  Quamquam  si  quis  particulam  avTt  causam  finalem  notare  putet,  non  multum  reclamo:  ut  sit  sensus,  Christum  non  recusasse  mortem  crucis,  quia  videbat  felicem  eius  exitum.  Ego  tamen  priorem  expositionem  retineo.  Duplici  porro  nomine,  Christi  nobis  tolerantiam  commendat,  quod  mortem  acerbissimam  pertulerit,  et  quod  ignominiam  despexerit.  Finem  deinde  mortis  gloriosum  commemorat,  ut  sciant  fideles  in  salutem  et  gloriam  cessura  sibi  mala  omnia  quae  sustinent,  modo  Christum  sequantur.  Sic  etiam  Iacobus:  Patientiam  Iob  audistis,  et  finem  nostis  (Iac.  5,  l  l  )  .  Significat  ergo  apostolus,  eundem  fore  miserarium  nostrarum  finem  qui  cernitur  in  Christo  :  secundum  illud  Pauli:  Si  compatimur,  simul  cum  eo  regnabimus  (Rom.  8,  17).  3.  Beputate  quis  hic.  Amplificat  suam  exhortationem,  Christum  nobiscum  conferendo:  nam  si  filius  Dei,  quem  ab  omnibus  adorari  decuit,  sponte  subiit  tam  dura  certamina,  quis  nostrum  recusare  audeat  iisdem  se  cum  illo  subiicere?  Una  enim  haec  cogitatio  ad  vincendas  omnes  tentationes  sufficere  debet,  quum  intelligimus  nos  filii  Dei  esse  comites:  et  eum  qui  supra  nos  adeo  eminebat,  voluisse  ad  conditionem  nostram  descendere,  ut  suo  nos  exemplo  animaret.  Ita,  inquam,  colligimus  animos,  qui  alioqui  liquescunt  et  quasi  in  desperationem  solvuntur.  4.  Nondum  ad  sanguinem  restitistis  adversus  peccatum  certando.  5.  Et  obliti  estis  exhortationis  quae  vobis  tanquam  filiis  loquitur:  Fili  mi,  ne  disciplinam  Domini  negligas,  et  ne  deficias  dum  ab  eo  argueris.  6.  Quem  enim  deligit  Dominus  castigat:  flagellat  omnem  filium  quem  suscipit  7.  Si  disciplinam  sustinetis,  Deus  tanquam  filiis  offertur.  Quis  enim  est  filius  quem  pater  non  castiget?  8.  Quod  si  disciplinae  expertes  estis,  cuius  participes  sunt  omnes  :  spurii  igitur  estis,  non  filii.  4.  Nondum  ad  sanguinem.  Ultra  progreditur:  admonet  enim,  etiam  quum  nos  impii  persequuntur  pro  Christi  nomine,  tunc  nos  certare  contra  peccatum.  In  hanc  luctam  descendere  Christus  non  potuit,  qui  purus  et  immunis  erat  ab  omni  peccato.  At  nos  hac  in  parte  illi  sumus  dissimiles,  quia  semper  in  nobis  habitat  peccatum:  cui  domando  et  profligando  conveniunt  afflictiones.  Principio,  scimus,  quidquid  malorum  est  in  hoc  mundo,  ex  peccato  provenire,  ac  in  primis  mortem  ipsam.  Verum  id