51:172  Ut  duos  conderet  in  se  ipso.  Quum  dicit,  in  se  ipso,  avertit  ab  hominum  diversitate  Ephesios,  ne  alibi  quam  in  Christo  unitatem  quaerant.  Utcunque  ergo  duo  ante  fuerint  conditione  inaequali,  in  Christo  unus  homo  fiunt.  Neque  frustra  addit  in  unum  hominem  novum.  Significat  enim  (quod  apertius  alibi  docet  Galat.  5,  5)  in  Christo  neque  circumcisionem,  neque  praeputium  valere  quidquam,  nullius  pretii  esse  quaevis  externa:  sed  novam  creaturam  primum  et  ultimum  locum  tenere.  Una  ergo  est  regeneratio  spiritualis,  quae  nos  coagmentat.  Quod  si  per  Christum  renovamur  omnes,  iam  desinant  sibi  placere  Iudaei  in  pristina  sua  conditione:  sed  patiantur  Christum  esse  omnia  tam  in  se  quam  in  aliis,  ut  alibi  habetur.  16.  Et  reconciliaret  ambos.  Non  tantum  inter  nos  factam  fuisse  pacificationem  asserit,  sed  cum  Deo  rediisse  in  gratiam.  Idque,  ut  Iudaeos  significet  non  minus  opus  habere  mediatore  quam  gentes.  Nihil  enim  lex,  nihil  caeremoniae,  nihil  Abrahae  genus,  nihil  omnes  praerogativae,  quibus  fuerant  ornati,  illis  alioqui  profuissent.  Omnes  enim  peccatores:  et  remissio  peccatorum  nonnisi  intercedente  Christi  gratia  obtinetur.  Repetit  in  uno  corpore,  ut  sciant  Iudaei,  se  ita  demum  placere  Deo,  si  cum  gentibus  unitatem  colant.  Per  crucem.  Ideo  addidit  nomen  crucis,  ut  sacrificium  expiationis  notaret.  Nam  quum  inter  Deum  et  nos  peccatum  odii  sit  causa,  nonnisi  illo  abolito  grati  unquam  Deo  erimus.  Deletum  est  igitur  morte  Christi,  in  qua  se  patri  obtulit  hostiam  expiatricem.  Quamquam  hac  etiam  de  causa  mentionem  crucis  facit,  quoniam  per  eam  abrogatae  sunt  omnes  caeremoniae.  Unde  sequitur,  perimens  in  ipsa  i  n  i  m  i  c  i  t  i  a  s  .  Nam  procul  dubio  ad  crucem  referri  debet.  Cuius  tamen  particulae  duplex  potest  esse  sensus:  vel  quod  Christus  morte  sua  patrem  nobis  placando  iram  eius  abstulerit:  vel  quod  Iudaeos  pariter  et  gentes  redimendo  reduxerit  in  unum  gregem.  Secundus  mihi  videtur  probabilior:  quia  convenit  cum  superiore  membro,  i  n  i  m  i  -  c  i  t  i  a  s  abolens  in  carne  sua.  17.  Et  veniens  evangelizavit  pacem  vobis,  qui  eratis  procul,  et  pacem  iis,  qui  propinqui  erant:  18.  quoniam  per  ipsum  habemus  accessum  ambo  in  uno  spiritu  ad  patrem.  19.  Ergo  non  amplius  estis  hospites  et  inquilini:  sed  cives  sanctorum  et  domestici  Deis  20.  super  aedificata  fundamento  apostolorum  et  prophetarum^  cuius  lapis  summus  angularis  est  ipse  Christus:  21.  in  quo  totum  aedificium  coagmentatum,  crescit  in  templum  sanctum  in  Domino:  22.  in  quo  et  vos  coaedificamini  in  habitaculum  Dei  in  spiritu.  Nihil  prodesset  illud  totum  quod  docuit  de  reconciliatione  per  Christum  facta,  nisi  per  evange-