50:172  tionis,  non  a  sua  doctrina  tantum,  sed  a  Christo.  Nam  Christum  tenere  aliter  non  poterant,  quam  si  agnoscerent  eius  beneficio  nos  manumissos  esse  a  servitute  legis.  Porro  necessitas,  quam  constituebant  pseudoapostoli  in  caeremoniis,  prorsus  erat  contraria.  Sic  a  Christo  transferebantur,  non  quia  omnino  christianismum  abiicerent,  sed  quia  in  tali  corruptela  tantum  illis  relinquebatur  factitius  Christus.  Sic  hodie  papistae,  quia  dimidium  et  lacerum  Christum  habere  volunt,  nullum  habent:  ideoque  translati  sunt  a  Christo.  Pleni  enim  sunt  superstitionibus,  quae  ex  diametro  cum  Christi  natura  pugnant.  Diligenter  hoc  notandum,  t  r  a  n  s  f  e  r  r  i  nos  a  C  h  r  i  s  t  o  ,  quum  ad  ea  delabimur  quae  eius  officio  contraria  sunt.  Neque  enim  misceri  potest  lux  cum  tenebris.  Eiusdem  est  rationis  quod  vocat  a  l  i  u  d  e  v  a  n  g  e  l  i  u  m  ,  hoc  est,  aliud  a  vero.  Et  tamen  profitebantur  pseudoapostoli  se  evangelium  Christi  praedicare:  sed  quum  miscerent  sua  figmenta,  quibus  destruebant  praecipuam  vim  evangelii,  ideo  falsum,  corruptum  et  adulterinum  evangelium  habebant.  Utitur  autem  verbo  praesentis  temporis:  quasi  adhuc  in  actu  sit  eorum  lapsus,  ut  vulgo  dicunt.  Quasi  diceret,  nondum  vos  dico  esse  translatos:  nam  tunc  esset  difficilius  redire  in  viam.  Nunc  vero,  dum  adhuc  estis  in  medio  cursu,  gradum  reflectite  potius  quam  ultra  pergatis.  Aliqui  legunt,  ab  eo,  qui  vocavit  vos  in  gratia  Christi,  de  patre  intelligentes.  Sed  lectio,  quam  sequuti  sumus,  est  simplicior.  Quod  autem  dicit,  vocatos  a  Christo  fuisse  per  gratiam,  valet  ad  exprobrandam  illis  ingratitudinem.  Deficere  a  filio  Dei  per  se  indignum  et  flagitiosum  :  sed  ab  eo  deficere  quum  nos  gratuito  vocaverit  ad  salutem,  multo  est  foedius.  Auget  enim  bonitas  eius  erga  nos  sceleris  gravitatem,  si  ingrati  simus.  Cito.  Auget  turpitudinem  inconstantiae.  Nullum  quidem  tempus  maturum  est  defectioni  a  Christo:  sed  eo  magis  vituperandi  erant  Galatae,  quod  simul  atque  pedem  illinc  moverat  Paulus,  abducti  fuerant.  Ergo  sicut  eorum  ingratitudinem  prius  comparatione  gratuitae  vocationis  amplificavit:  ita  nunc  levitatem  circumstantia  temporis  amplificat.  7.  Quod  non  est  aliud.  Quidam  sic  resolvunt:  quum  non  sit  aliud  evangelium.  Ac  si  esset  species  correctionis,  ne  quis  putaret  esse  plura  evangelia.  Ego,  quod  ad  verborum  expositionem  spectat,  simplicius  accipio:  nam  contemptim  loquitur  de  doctrina  pseudoapostolorum,  quod  sit  tantum  materia  turbarum  et  destructionis.  Quasi  diceret:  Quid  afferunt  isti?  quid  causae  habent  cur  impugnent  doctrinam  a  me  traditam?  nempe  vos  turbant  et  evangelium  evertunt,  nihil  agunt  praeterea.  Sensus  tamen  eodem  redit:  nam  fateor  hac  loquutione  corrigi  quod  dictum  fuerat  de  alio  evangelio.  Negat  igitur  evangelium  esse,  sed  meram  perturbationem.