29:172  Dieu,  et  que  nous  cognoissions  que  c'est  luy  qui  nous  conduit  et  gouverne.  Et  ainsi  nous  avons  besoin  que  la  Loy  nous  soit  approuvee,  et  que  nous  puissions  dire  que  ce  n'est  pas  une  doctrine  humaine:  mais  que  Dieu  en  est  l'autheur.  Autant  en  est-il  et  des  propheties  et  de  l'Evangile.  Voila  donc  ce  que  nous  avons  a  observer  en  premier  lieu  de  ce  passage.  Or  il  y  a  ici  deux  choses  oppositos  a  Zabulon  et  Issachar.  Il  dit:  Zabulon,  esiouy-toy  en  ton  issue:  et  il  dit  d'Issachar:  Esiouytoy  en  ton  repos.  L'un  va,  et  cerche  d'un  coste  et  d'autre,  et  l'autre  se  tient  coy  et  paisible  en  un  lieu,  et  est  la  quasi  en  cagnardant,  comme  on  dit:  et  toutesfois  Moyse  declare  que  Dieu  fera  prosperer  et  l'un  et  l'autre,  combien  que  leur  condition  ne  soit  point  semblable.  Or  il  appelle  Vissue  de  Zabulon,  non  pas  comme  aucuns  l'ont  entendu,  la  fin,  mais  les  voyages  que  devoyent  faire  ceux  de  ceste  lignee-la,  comme  gens  qui  traffiquent  en  pays  lointains.  Il  dit  donc:  Dieu  te  fera  prosperer  en  tes  issues:  quand  tu  iras  en  hazard  parmi  la  mer,  que  tu  iras  en  pays  lointains,  tu  seras  conduit  et  gouverne  de  Dieu,  et  sa  benediction  ^accompagnera.  Or  quant  a  Issachar,  pource  qu'il  estoit  craintif  et  couard,  il  est  dit:  Que  Dieu  encores  en  aura  pitie,  et  qu'il  le  benira,  combien  qu'il  aime  le  repos.  Or  ce  ne  est  point  saus  cause  qu'il  parle  ainsi  d'Issachar.  Nous  voyons  ce  qui  en  est  dit  au  49  chapitre  de  Genese  par  Iacob:  Issachar  est  comme  un  asne  robuste,  et  un  mulet  de  charge  qui  dort  (ditil),  entre  ses  bales:  il  a  veu  que  le  repos  estoit  bon,  il  a  plie  les  espaules,  et  a  mieux  aime  estre  serf,  et  payer  tributs  et  tailles,  que  d'esprouver  sa  force,  pour  resister  a  ses  ennemis.  La  nous  voyons  la  nature  de  ce  peuple,  c'est  qu'il  estoit  fort  et  robuste:  mais  tant  y  a  qu'il  a  eu  un  coeur  failli,  qu'il  a  este  lasche,  tellement  qu'il  s'est  fait  comme  un  mulet  de  charge,  qu'il  s'est  couche  au  milieu  de  ses  bales,  et  a  la  dormi,  c'est  a  dire,  qu'il  a  este  un  gros  so  m  m  i  er,  qui  ne  s'est  point  soucie  de  liberte:  et  combien  qu'on  luy  imposast  des  fardeaux  pesans  et  insupportables,  qu'il  n'a  pas  laisse  de  crouppir  la:  comme  si  un  mulet  donnoit,  encores  qu'il  fust  charge  de  ses  bales.  Il  a  donc  porte  les  tailles  et  tributs,  et  ne  s'en  est  pas  grandement  soucie:  moyennant  qu'il  beust  et  mangeast  son  saoul,  ce  luy  estoit  tout  un  du  reste.  Comme  on  verra  des  gens  grossiers,  moyennant  qu'ils  ayent  tousiours  a  boire  et  a  manger,  ils  ne  tiennent  conte  du  reste,  et  ne  savent  que  c'est  de  liberte,  ils  sont  la  comme  des  boeufs  et  des  asnes,  qu'il  ne  leur  chaut  de  rien:  autant  en  estoit-il  d'Issachar.  Or  Moyse  ne  le  veut  point  flatter  en  ses  vices,  quand  il  dit:  Que  Dieu  le  benira  en  tel  repos:  mais  c'est  pour  consoler  les  fidelles  qui  estoyent  de  ceste  lignee-la:  d'autant  qu'ils  eussent  peu  estre  descou-