27:172  voyant  cela  estre  advenu  en  la  Papaute,  advisons  bien  que  si  Dieu  habite  au  milieu  de  nous,  de  ne  le  point  deschasser  de  nostre  coste:  mais  que  nous  le  servions  en  toute  purete,  afin  que  si  auiourd'huy  il  y  regne,  qu'il  continue  iusques  en  la  fin,  et  que  iamais  il  ne  s'en  departe.  Voila  ce  que  nous  avons  a  retenir,  quand  nous  voyons  les  exemples  qui  sont  advenus  tant  a  Silo,  qu'a  Ierusalem.  A  Silo  (diie)  ou  l'arche  a  este  long  temps:  et  a  Ierusalem,  ou  le  lieu  a  este  assigne  pour  bastir  le  temple,  selon  la  promesse  que  Moyse  avoit  faite.  Or  il  adiouste  :  Que  la  ils  viendront  offrir  leurs  sacrifices,  leurs  holocaustes,  qu'ils  y  feront  toutes  leurs  devotions,  et  qu'ils  y  rendront  leurs  voeus.  Comme  s'il  disoit,  qu'ils  n'attentent  rien  a  leurs  folles  devotions,  mais  que  Dieu  soit  escoute,  et  qu'on  se  gouverne  selon  sa  pure  parolle.  Or  cependant  il  nous  faut  retenir  ce  que  nous  avons  touche:  c'est  que  Dieu  a  institue  les  sacrifices,  holocaustes,  les  voeus,  et  choses  semblables:  non  pas  pour  sa  necessite  de  luy,  ne  pour  son  usage,  mais  c'est  afin  que  le  peuple  fust  exerce  en  telles  ceremonies:  et  le  tout  a  cause  que  les  hommes  sont  fragiles,  et  terriens.  Dieu  donc  a  ordonne  les  sacrifices.  Et  pourquoy?  Pour  l'instruction  du  peuple.  Car  quand  les  Iuifs  venoyent  la,  il  falloit  bien  qu'ils  cogneussent:  Nous  sommes  povres  pecheurs,  nous  ne  sommes  pas  dignes  d'approcher  de  la  maieste  de  nostre  Dieu:  car  il  est  iuste,  il  est  la  iustice  mesmes,  et  la  fontaine  de  toute  purete,  et  nous  ne  luy  apportons  que  toute  ordure,  et  pollution  de  nostre  coste.  Il  falloit  donc  que  les  Iuifs  eussent  quelque  moyen  de  se  laver,  et  nettoyer  devant  Dieu,  il  falloit  qu'ils  fussent  acquittez  de  leurs  dettes,  et  de  la  malediction  en  laquelle  ils  se  sentoyent  estre  enclos.  Or  pour  ce  faire  Dieu  leur  donnoit  les  sacrifices:  quand  ils  venoyent  a  luy,  ils  protestoyent  d'un  coste,  helas!  Seigneur,  nous  meritons  la  mort:  mais  en  vertu  du  sang  qui  doit  estre  espandu  pour  laver  nos  macules,  nous  avons  confiance  que  tu  nous  exaucer  as.  Ils  avoyent  puis  apres  les  lavemens,  pour  cognoistre:  II  est  vray:  Seigneur,  que  nous  sommes  pleins  d'ordures:  mais  c'est  a  toy  de  nous  nettoyer.  Voila  donc  comme  les  sacrifices  ont  este  instituez  pour  l'instruction  du  peuple  (comme  i'ay  desia  dit)  qu'auiourd'huy  nous  avons  la  police  telle,  que  tousiours  Dieu  a  voulu  qu'elle  demeurast  entre  les  Chrestiens.  Et  ainsi  rapportons  le  tout  la:  puis  que  nous  sommes  grossiers  et  rudes,  il  faut  que  nous  soyons  exercez  en  quelques  ceremonies:  voire,  mais  que  nous  ne  les  inventions  point  de  nostre  teste.  Car  ce  ne  sera  iamais  fait,  quand  nous  y  procoderons  a  nostre  guise:  contentons-nous  de  la  simplicite  qui  est  contenue  en  la  parolle  de  Dieu:  car  c'est  toute  nostre  sagesse.  En  la  fin  Moyse  adiouste:  La  (dit-ie)  vous