15:172  mento  non  mediocri  fuisse.  Videtis  quum  tanta  animorum  alacritate  Domino  gratias  egerimus  primum  audita  victoria,  eodem  Farello  referente,  quemadmodum  tam  exsecrandis  belluis  per  vos  occlusisset  ora  Dominus,  poena  blasphemiae  epistomiumque  illis  sui  spiritus  iniecisset,  deinde  quum  priorem  quidem  finibus  pulsum,  quod  alioqui  permagnae  ducebamus  clementiae,  alterum  vero  dignas  luisse  poenas,  memoranda  senatus  aequitate  audissemus.  Ergo  videtis  haec  omnia,  quibus  nihil  neque  iustius  neque  magis  laudandum,  ab  istis  tamen,  quicunque  sint,  furiose  torqueri  in  sinistram  pessimamque  partem,  nosque  in  his  diffamari  velut  Calvini  fratris  mancipia,  ac  non  servi  Dei  vobiscum,  et  Calvino  qua  sane  docentem  sequi,  ac  bene  meritum  agnoscere,  quam  suprema  in  Deum  perfidia  secedere  maluerimus.  Si,  quidnam  in  hoc  Satanae  latrocinio  statuatis,  aut  in  ista  quasi  nocturna  excursione  tam  subito  avolantium  hostium  possitis,  comperto  haberemus,  expeditum  esset  eodem  consilio,  quid  in  communi  praesertim  cum  Calvino  iniuria  nos  quoque  agere  oporteret.  Quantum  igitur  nunc  decernere  possimus,  postulamus  et  vestra  ope  quod  aequum  est  impetrare  a  senatu  liceat.  Quando  enim  qui  talia  in  nos  debacchati  sunt,  non  apposuerunt  sua  nomina,  is  per  quem  senatus  literas  accepit,  nobis  eorum  nomine  videtur  respondere  debere,  aut  illos  producere.  Tantum  scribimus  quid  putemus  in  re  nobis  non  satis  perspicua:  qui  deprehendi  istos  nequitiae  magis  tros  admanifestiorem  Dei  gloriam  peroptamus:  constituere  autem  quod  facto  opus  sit  magisve  expediat,  vestri  erit  iudicii,  vestraeque  summae  caritatis  erga  nos,  qui  pro  Domino  vobis  impendere  parati  sumus  omnia  nostro  nomine  curare,  quidquid  agendum  videbitur,  nosque  certiores  facere:  omnino  enim  consilio  vestro  stare  volumus.  Quod  reliquum  est,  fratres,  oramus  Dominum  ut  adversus  tot  assultus  diaboli  corroboret  semper  animos  vestros  sua  virtute,  ipsumque  brevi  conterat  sub  pedibus  vestris.  Valete,  fratres  integerrimi:  nostri  memores  in  assiduis  precibus  vestris  estote,  et  ecclesiarum  Dei  quibus  nos  voluit  praeficere  Dominus��  Neocomi  18.  Iunii  1554.  Decanus  caeterique  omnes  classis  Neocomensis  symmystae  Iesu  Christi.