7:171  171  CONTRE  LA  SECTE  172  Enquoy  ie  ne  voudrois  autres  iuges  que  les  Payens  pour  les  condamner,  car  iceux  ont  bien  congneu  et  ont  prononce,  qu'il  n'y  a  rien  plus  contraire  a  une  bonne  nature,  que  de  se  transfigurer  par  astuce:  tellement  que  selon  leur  sentence  il  vaudroit  mieux  ressembler  a  un  lion,  qu'a  un  renard.  Mais  encor  ne  se  contentent  ilz  pas:  s'ilz  ne  font  cest  opprobre  a  Dieu,  de  dire  qu'ilz  tiennent  cela  de  luy,  s'armans  de  ce  qui  est  dict  au  2.  Pseaulme  (v.  4):  Celuy  qui  habite  en  haut  se  rira  d'eux.  Voulans  par  cela  prouver  que  Dieu  est  un  simulateur.  Voila  comment  ilz  appliquent  l'escriture.  Le  Prophete,  voulant  signifier  que  Dieu  differe  son  iugement  sur  les  iniques  et  les  persecuteurs  de  son  Eglise,  les  laissant  pour  un  temps  impunis,  non  pas  qu'il  donne,  ou  qu'il  n'y  puisse  remedier:  mais  plustost  qu'il  se  moque  de  leur  audace,  en  attendant  [page  53]  que  le  temps  de  leur  ruine  soit  venu,  use  do  ce  propos.  Et  le  faict  a  nostre  consolation:  a  fin  que  nous  ne  perdions  point  couraige,  quand  nous  voyons  les  meschans  en  auctorite,  et  que  ce  pendant  l'ayde  de  Dieu  ne  nous  apparoit  point.  Ces  villains  prenent  cela  pour  faire  Dieu  un  gaudisseur,  qui  se  contreface  pour  abuser  le  monde.  Ilz  en  imposent  autant  puis  apres  a  Iesus  Christ.  A  co  propos  ilz  alleguent  la  response  qu'il  fit  a  ses  Apostres:  que  c'estoit  a  eux  qu'il  convenoit  clairement  exposer  les  secretz  du  Royaume  de  Dieu:  mais  qu'au  peuple  qui  n'estoit  pas  digne  d'ouir  la  simple  verite  et  aperte,  il  parloit  en  paraboles  (Matth.  13,  l  l  ;  Marc  4,  25;  Luc  8,  18;  19,  26).  Comme  si  nostre  Seigneur  Iesus  usant  de  paraboles,  eust  dict  le  blanc  estre  noir,  ou  qu'il  eust  donne  a  entendre  une  chose  pour  l'autre,  a  fin  de  faire  muser  1)  les  auditeurs,  ou  plustost  leur  faire  concevoir  ce  qui  estoit  le  plus  loing  de  son  intention.  On  voit  quelles  estoyent  les  similitudes  ou  paraboles,  desquelles  il  est  question:  assavoir,  [page  54]  propres  et  convenables  a  signifier  ce  qu'il  entendoit.  On  voit  dequoy  elles  pouvoyent  servir:  assavoir,  en  premier  lieu,  de  donner  couleur  et  maieste  au  propos,  en  reveillant  les  espritz  des  auditeurs,  et  les  rendant  plus  attentifz.  Secondement,  de  donner  aux  mesmes  auditeurs  une  poincte  a  la  traverse,  leur  laissant  puis  apres  considerer  le  sens.  Il  est  certain  qu'elles  ont  besoing  d'exposition:  d'autant  que  les  choses  y  sont  obliquement  proposees  soubz  figures.  Mais  qui  empeschoit  le  peuple  d'en  avoir  l'intelligence,  sinon  qu'il  n'en  tenoit  compte,  et  qu'il  aymoit  mieux  demeurer  en  son  ignorance,  que  d'enquerir  pour  estre  apprins?  Du  temps  de  l'ancien  Testament,  Dieu  protestoit  par  Esaie  son  prophete,  qu'il  n'avoit  point  parle  en  cachette,  ne  par  des-  1)  circumduceret  animos.