6:171  EPISTRE  AU  LECTEUR  172  nul  ne  peut  chanter  choses  -dignes  de  Dieu,  sinon  qu'il  ait  receu  d'iceluy:  parquoy  quand  nous  aurons  bien  circuy  par  tout  pour  cercher  ca  et  la,  nous  ne  trouverons  meilleures  chansons  ne  plus  propres  pour  ce  faire,  que  les  Pseaumes  de  David:  lesquell  le  sainct  Esprit  luy  a  dicts  et  faits.  Et  pourtant,  quand  nous  les  chantons,  nous  sommes  certains  que  Dieu  nous  met  en  la  bouche  les  parolles,  comme  si  luy-mesmes  chantoit  en  nous  pour  exalter  sa  gloire.  Parquoy  Chrysostome  exhorte  tant  hommes  que  femmes  et  petis  enfans,  de  s'accoustumer  a  les  chanter,  afin  que  cela  soit  comme  une  meditation  pour  s'associer  a  la  compagnie  des  Anges.  Au  reste,  il  nous  faut  souvenir  de  ce  que  dit  S.  Paul,  que  les  chansons  spirituelles  ne  se  peuvent  bien  chanter  que  de  cueur.  Or  le  cueur  requiert  V  intelligence.  Et  en  cela  (dit  sainct  Augustin)  gist  la  difference  entre  le  chant  des  hommes  et  celuy  des  oyseaux.  Gar  une  Linote,  un  Boussignol,  un  Papegay,  chanteront  bien,  mais  ce  sera  sans  entendre.  Or  le  propre  don  de  Vhomme  est  de  chanter,  sachant  qu'il  dit:  apres  V  intelligence  doit  suivre  le  cueur  et  V  affection,  ce  qui  ne  peut  estre  que  nous  n'ayons  le  cantique  imprime  en  nostre  memoire  pour  ne  iamais  cesser  de  chanter.  Pour  ces  raisons  ce  present  livre  mesme  pour  ceste  cause,  oultre  le  reste  qui  a  este  dit,  doit  estre  en  singuliere  recommandation  a  chascun  qui  desire  se  resiouyr  honnestement  et  selon  Dieu,  voire  a  son  salut  et  au  pr  o  f  fit  de  ses  prochains.  Et  ainsi  n'a  point  de  mestier  d'estre  beaucoup  recommande  de  par  moy,  veu  qu'en  soymesmes  il  porte  son  pris  et  son  los:  seullement  que  le  monde  soit  si  bien  advise  qu'au  lieu  de  chansons  en  partie  vaines  et  frivolles,  en  partie  sottes  et  lourdes,  en  partie  salies  et  vilaines,  et  par  consequent  mauvaises  et  nuysibles,  dont  il  a  use  par  cy  devant,  il  s'accoustume  cy  apres  a  chanter  ces  divins  et  celestes  Cantiques  avec'le  bon  Roy  David.  Touchant  de  la  melodie,  il  a  semble  advis  le  meilleur  qu'elle  fust  moderee,  en  la  sorte  que  nous  V  avons  mise  pour  emporter  poids  et  maieste  convenable  au  subiect,  et  mesme  pour  estre  propre  a  chanter  en  l'Eglise  selon  qu'il  a  este  dict.  De  Geneve,  ce  10  de  luing.  M  D  XLIII,