55:171  171  CAPUT  XII.  172  Deposito  omni  onere.  Quia  similitudinem  cursus  usurpat,  simul  expeditos  esse  iubet.  Festinationi  enim  nihil  magis  adversum,  quam  si  sarcinis  onusti  simus.  Porro  varia  sunt  onera,  quae  spiritualem  cursum  nostrum  morantur  ac  impediunt:  ut  amor  vitae  praesentis,  mundi  delitiae,  cupiditates  carnis,  curae  terrenae,  divitiae  etiam  ac  honores,  et  quaecunque  sunt  eiusdem  generis.  Quisquis  ergo  vult  in  Christi  stadio  currere,  primum  se  omnibus  impedimentis  abdicet:  quia  iam  plus  satis  tardi  sumus,  ut  non  aliunde  accedant  remorae.  Neque  tamen  iubemur  divitias  simpliciter  abiicere,  aut  alia  vitae  commoda,  nisi  quatenus  cursum  nostrum  retardant:  quia  Satan  illis,  quasi  tricis,  nos  retinet  atque  implicat.  Porro  metaphora  cursus  satis  frequens  est  in  scripturis.  Hic  vero  non  quemlibet  cursum  designat,  sed  cursorium  certamen,  quod  studia  magis  solet  accendere.  Summa  igitur  est,  nos  certamen  ingressos  esse,  et  quidem  in  celeberrimo  stadio,  undique  circumstare  multos  testes,  praesidem  Dei  silium,  qui  ad  praemium  nos  invitat  et  hortatur:  turpissimum  igitur  fore  si  in  medio  spatio  fatigemur  vel  torpeamus.  Quamquam  autem  sancti  homines,  de  quibus  meminit,  non  testes  modo  sunt,  sed  eiusdem  cursus  socii,  qui  viam  nobis  praemonstrant:  testes  tamen  vocare  maluit  quam  cursores,  ut  significaret  non  aemulos  esse  qui  palmam  nobis  praeripiant,  sed  approbatores  potius,  qui  plaudant  et  gratulentur  nostrae  victoriae.  Quemadmodum  etiam  Christus  non  tantum  agonotheta  est,  sed  manum  nobis  porrigit,  viros  ac  strenuitatem  suppeditat:  denique  nos  ad  inchoandum  cursum  praeparat  atque  idoneos  reddit,  et  sua  virtute  nos  perducit  usque  ad  metam.  Peccato  quod  nos  circumstat  Hoc  gravissimum  est  onus  quod  nobis  obstat.  Dicit  autem  nos  esse  implicitos,  ut  sciam  us,  neminem  currendo  aptum  esse,  nisi  qui  exuerit  hos  laqueos.  Non  loquitur  autem  de  externis  vel  actualibus  (ut  vocant)  peccatis:  sed  de  ipso  fonte,  hoc  est  concupiscentia,  quae  ita  omnes  nostri  partes  occupat  ut  undique  sentiamus  nos  teneri  eius  laqueis.  Per  patientiam.  Hac  voce  semper  monemur  quid  praecipue  in  fide  considerari  velit  apostolus:  nempe,  ut  regnum  Dei,  quod  carni  est  invisibile  sensusque  omnes  nostros  superat,  spiritu  quaeramus.  Nam  qui  in  hac  meditatione  occupantur,  facile  terrena  omnia  contemnunt.  Ita  Iudaeos  non  poterat  melius  abstrahere  a  suis  caeremoniis,  quam  si  eos  ad  vera  fidei  exercitia  revocaret,  ex  quibus  discerent  spirituale  esse  Christi  regnum,  et  huius  mundi  elementis  longe  superius.  2.  Pro  gaudio  sibi  proposito.  Tametsi  latina  loquutio  nonnihil  habit  ambiguitatis,  tamen  in  verbis  graecis  perspicue  apparet  sensus  apostoli.  Significat  enim,  quum  integrum  esset  Christo  se  eximere