51:171  171  EPIST.  PAULI  AD  EPHESIOS  172  pulos,  posuit  in  Iacob  funiculum  suum.  Vides  fixos  a  Deo  limites  quibus  populum  unum  a  reliquis  discernat.  Inde  inimicitia  cuius  meminit  hic  Paulus.  Segregantur  enim  alii  ab  aliis,  dum  reiectis  gentibus  solos  Iudaeos  sibi  cooptat  Deus  et  sanctificat,  a  communi  humani  generis  pollutione  ipsos  liberando.  Additae  postea  sunt  caeremoniae,  quae  tanquam  parietes  Dei  haereditatem  includerent,  ne  omnibus  pervia,  aut  aliis  possessionibus  permista  foret,  adeoque  gentes  a  Dei  regno  arcerent.  Nunc  dicit  apostolus  et  sublatas  esse  inimicitias,  et  parietem  dirutum.  Nam  Christus  beneficium  adoptionis  proferendo  ultra  Iudaeae  terminos,  effecit  ut  omnes  nunc  simus  fratres.  Ita  impletum  est  vaticinium  illud  (Genes.  9,  27),  Iapheth  in  tabernaculis  Sem  habitabit.  Iam  clara  sunt  verba  Pauli.  Impediebat  paries  medius  ne  Christus  gentes  Iudaeis  aggregaret.  Parietem  ergo  diruit.  Postea  ratio  diruti  parietis  exprimitur,  dissidii  abolitio  per  Christi  carnem:  siquidem  filius  Dei  communem  omnibus  naturam  induendo  perfectam  unitatem  in  corpore  suo  consecravit.  15.  Legem  mandatorum  in  decretis.  Quod  metaphorice  per  nomen  parietis  intellexerat,  nunc  planius  exprimit,  abolitas  per  Christum  caeremonias  fuisse  dicens,  in  quibus  erat  discriminis  professio.  Nam  circumcisio,  sacrificia,  ablutiones,  certorum  ciborum  abstinentia,  quid  aliud  erant  quam  sanctificationis  symbola,  quae  Iudaeos  admonerent,  sortem  suam  a  reliquis  esse  diversam,  quemadmodum  nunc  alba  crux  et  rubra  Gallos  a  Burgundis  discernit.  Significat  itaque  Paulus,  non  tantum  adscitas  esse  gentes  in  communionem  gratiae,  ne  quid  amplius  differrent  a  Iudaeis:  sed  insigne  quoque  dissidii  suisse  sublatum,  quia  abrogatae  sint  caeremoniae.  Quemadmodum  si  princeps  unus  dissidentes  populos  sub  ditionem  suam  redigeret,  non  tantum  animis  vellet  esse  coniunctos,  sed  pristinae  simultatis  tesseras  et  insignia  tolleret.  Quemadmodum  obligatione  remissa  chirographum  scinditur.  Qua  similitudine  in  eodem  argumento  usus  est  Paulus  ad  Colossenses  capite  2,  14.  Quidam  particulam  in  d  e  c  r  e  t  i  s  coniungunt  cum  participio  abolens,  sed  perperam.  Nam  de  lege  caeremoniali  ita  loqui  solet:  in  qua  Dominus  non  modo  simplicem  vivendi  regulam  praescribebat,  sed  alligabat  etiam  Iudaeos  variis  decretis.  Unde  colligere  licet,  Paulum  nonnisi  de  lege  caeremoniali  hic  tractare:  quia  lex  moralis  non  interstitium  est  qnod  nos  a  Iudaeis  separet  :  quum  doctrinam  comprehendat  non  minus  flebis  quam  Iudaeis  communem.  Caeterum  ex  hoc  loco  refelli  etiam  potest  quorundam  error,  qui  putant  circumcisionem  et  alios  veteres  ritus  hodie  quoque  manere  quoad  Iudaeos:  etiamsi  ab  illis  liberae  sint  gentes.  Hoc  enim  pacto  maneret  adhuc  medius  paries  inter  nos:  quod  falsum  esse  convincitur.