50:171  171  EPIST.  PAULI  AD  GALATAS  172  ergo  hoc  loco  est  mundus  f  homines  a  regno  Dei  et  Christi  gratia  separati.  Homo  enim  quamdiu  sibi  vivit,  totus  est  damnatus:  sunt  igitur  mundus  et  regeneratio,  res  inter  se  oppositae:  sicuti  natura  et  gratia,  caro  et  spiritus.  Ita  qui  ex  mundo  nati  sunt,  nihil  habent  praeter  peccatum  et  malitiam,  non  creatione  sed  corruptione.  Christus  ergo  pro  peccatis  nostris  mortuus  est,  ut  nos  a  mundo  redimeret,  vel  segregaret.  Maligno.  Hoc  epithetum  addidit  ut  de  corruptela  aut  pravitate,  quae  est  ex  peccato,  loqui  se  ostenderet:  non  autem  de  Dei  creatura,  aut  vita  corporali.  Sed  tamen  hac  una  voce,  tanquam  ictu  fulminis,  prosternit  omnem  humanam  superbiam.  Testatur  enim,  extra  renovationem,  quae  fit  Christi  gratia,  nihil  esse  in  nobis  nisi  meram  nequitiam.  Ex  mundo  enim  sumus  :  ac  donec  nos  Christus  eripiat,  mundus  in  nobis  regnat,  et  ei  vivimus:  quantumvis  igitur  sibi  placeant  homines,  nequam  sunt  et  pravi,  cum  tota  sua  praestantia.  Non  videntur  quidem  sibi  tales:  nobis  tamen  satis  sit  quod  Dominus  per  os  Pauli  ita  pronuntiet.  Secundum  voluntatem.  Primum  gratiae  fontem  ostendit:  nempe  Dei  propositum.  Sic  enim  Deus  dilexit  mundum,  ut  filium  suum  unigenitum  daret.  Sed  notandum  est,  Paulum  omnibus  hominum  compensationibus  aut  meritis  solere  Dei  propositum  opponere.  Ita  voluntas  hic  significat  quod  vulgo  nominant  beneplacitum.  Sensus  est  igitur,  Christum  pro  nobis  passum  fuisse,  non  quia  digni  essemus,  aut  quia  attulerimus  aliquid  quod  ipsum  provocaret:  sed  quia  tale  fuit  Dei  consilium.  Dei  et  p  a  t  r  i  s  n  o  s  t  r  i  ,  perinde  valet  ac  si  fuisset  dictum  :  Dei  qui  pater  noster  est.  5.  Cui  gloria.  Erumpit  in  subitam  gratiarum  actionem,  ut  eorum  acuat  mentes  ad  considerandum  inaestimabile  hoc  Dei  beneficium  :  quo  magis  se  postea  dociles  praebeant.  Quamquam  est  etiam  generalis  exhortatio:  ut  quoties  in  memoriam  revocatur  illa  Dei  misericordia,  statim  ad  eum  glorificandum  nos  incitet.  6��  Miror  quod  ita  cito  transferimini  a  Christo,  qui  vos  vocavit  in  gratia,  ad  aliud  evangelium:  1.  quod  non  est  aliud1  nisi  quod  sunt  quidam,  qui  vos  turbant  ac  volunt  evertere  evangelium  Christi.  8.  Verum  etiamsi  nos,  aut  angelus  e  coelo  evangelizet  vobis  praeter  id,  quod  evangelizavimus  vobis,  anathema  sit.  9.  Quemadmodum  praediximus,  nunc  quoque  iterum  dico  :  si  quis  vobis  evangelizavero  praeterquam  quod  accepistis,  anathema  sit  6.  Miror  quod.  Incipit  ab  obiurgatione,  quae  tamen  lenior  est  aliquanto  quam  merebantur:  sed  suam  vehementiam  mavult  convertere  adversus  pseudoapostolos,  ut  videbimus.  Arguit  autem  eos  defec-