5:171  PSYCHOPANNYCHIA.  pore  una  emori,  in  die  iudicii  utrumque  resurgere.  1)  Et  aliquanto  post  tempore,  Ioannem  episcopum  romanum,  quem  schola  parisiensis  ad  palinodiam  adegerit.  2)  Verum  saeculis  aliquot  sopitum,  nuper  per  aliquot  ex  Anabaptistarum  faece  excitatum,  scintillas  emisit.  Hae  vero  longe  lateque  pervagatae,  iustas  faces  accenderunt:  quae  utinam  pluvia  illa  voluntaria,  quam  Dominus  haereditati  suae  segregavit,  primo  quoque  die  exstinguantur.  Agam  autem  citra  ullius  odium,  citra  privatam  cuiusquam  contumeliam,  denique  citra  conviciandi  procacitatem,  ut  iure  nullus  queri  debeat  se  laesum  aut  leviter  etiam  offensum  esse.  Quanquam  spectare  hodie  aliquos  licet,  insana  carpendi,  mordendi,  sugillandi  libidine  aestuantes,  quos  si  summo  digito  attingas,  flebiliter  deplorant  scindi  unitatem  ecclesiae,  violari  caritatem.  His  responsum  sit,  primum,  nullam  nos  agnoscere  unitatem,  nisi  in  Christo:  nullam  caritatem,  nisi  cuius  ipse  sit  vinculum.  Esse  ergo  hoc  caput  conservandae  caritatis,  ut  fides  nobis  sancta  atque  integra  maneat.  Deinde,  nulla  caritatis  offensione  hanc  disputationem  transigi  posse:  modo  tales  aures  afferant,  qualem  ego  linguam  afferre  statui.  Tibi  autem,  ornatissime  vir,  hanc  lucubratiunculam  nuncupare,  quum  multis  nominibus  visum  est:  tum  hoc  praesertim  uno,  quod  inter  istos  vanarum  opinionum  tumultus,  quibus  spiritus  vertiginis  ecclesiae  quietem  exagitant,  firmum  te  ac  integrum  summa  prudentia  ac  moderatione  consistere  perspicio.  Aureliae,  M.  D.  XXXIV.  1)  Euseb.  Eccl.  hist.  l.  6.  c.  26.  (37).  Aug.  lib.  de  Haeres,  c.  83.  2)  Ioann.  II.  de  quo  Gerson  in  sermone  pasch,  priore.