42:171  171  SERMON  XLVII.  172  Au  reste,  ils  adioustent  aussi  une  raison  pourquoy  ce  terme  ha  este  ainsi  parti,  c'est  a  scavoir,  qu'il  y  ait  en  premier  lieu,  mille  deux  cens  nonante  iours,  et  puis  apres  au  second  nombre,  qu'il  y  ait  mille  trois  cens  trente-cinq  iours,  pour  ce  qu'ils  prennent  depuis  le  temps  de  Daniel,  iusques  au  temps  que  l'Eglise  chrestienne  ha  este  corrompue,  et  qu'elle  ha  este  mise  en  dissipation,  environ  mille  et  deux  cens  nonante  ans,  c'est  a  dire,  environ  treze  cens  ans.  Et  quand  ha  este  ce  temps-la?  Quand  Mahommet  ha  commence  de  pervertir  et  corrompre  la  foy  chrestienne,  car  voila  nn  apostat  qui  ha  aneanti  toute  la  religion,  et  puis  le  Pape  qui  est  venu  en  un  mesme  temps,  c'est  a  dire,  ce  siege  d'abomination  qui  s'est  leve  a  Rome:  voila  donc  pourquoy  on  pense  que  nostre  Seigneur  Iesus  ait  ainsi  voulu  partir  les  temps  en  ce  passage.  Or  ie  laisse  tout  cela,  car  le  vray  sens  et  naturel,  n'est  sinon  de  signifier  ce  que  nous  avons  desia  veu  un  temps,  deux  temps,  et  la  moitie  d'un  temps.  Pourquoy?  Car  en  premier  lieu,  notons  que  Iesus  Christ  parlant  de  l'abomination  horrible,  entend  que  cela  se  feroit  du  temps  qui  estoit  prochain  apres  son  trespas,  et  apres  sa  resurrection,  c'est  a  scavoir  du  temps  de  l'empereur  Caius  Caligula  qui  feist  mettre  son  idole  au  temple.  Nous  avons  desia  veu  deux  passages,  ou  ii  est  parle  de  cette  abomination  horrible,  mais  il  y  ha  un  passage  ou  il  est  dit,  que  le  sacrifice  continuel  sera  oste,  auquel  il  n'y  ha  point  de  doute,  que  l'ange  ne  parle  du  temps  des  Machabees,  et  d'Antioche,  car  la  il  est  dit  que  Dieu  feroit  une  restauration.  En  l'autre  passage  il  est  dit  que  le  sacrifice  continuel  sera  oste  et  puis  qu'il  n'y  aura  plus  de  restauration  seconde,  le  sacrifice  donc  ha  bien  este  oste  du  temple  de  Ierusalem  la  premiere  fois,  quand  Antioche  prophana  le  temple,  que  le  service  de  Dieu  fut  comme  aneanti,  mais  Dieu  y  pourveut,  et  y  remedia,  car  il  faloit  que  les  sacrifices  durassent  iusques  a  la  venue,  et  a  la  verite  de  la  substance,  c'est  a  dire,  iusques  a  ce  que  Iesus  Christ  se  fust  luy-mesmes  presente  en  sa  personne  en  sacrifice  a  Dieu  son  Pere  pour  nous  reconcilier.  Or  nostre  Seigneur  Iesus  est-il  venu,  voila  le  sacrifice  continuel  oste,  et  iamais  plus  ne  peut  estre  restaure,  combien  que  les  Iuifs  aient  use  de  grandes  violences,  si  est-ce  que  Dieu  les  ha  empesches,  et  y  ha  mis  la  main,  autant  en  est-il  de  cette  abomination  horrible,  car  Antiochus  y  mist  bien  une  abomination  horrible,  dressant  l'idole  de  Iupiter,  mais  Dieu  ha  voulu  que  le  temple  de  Ierusalem  fust  prophane,  depuis  que  nostre  Seigneur  Iesus  Christ  est  venu,  depuis  lequel  temps  il  n'y  ha  point  eu  de  restauration,  que  le  temple  ha  demoure  pollu,  que  Dieu  ha  monstre  que  ce  n'estoit  plus  la  son  temple,  et  qu'il  ne  vouloit  point  que  son  nom  y  fust  invoque  comme  auparavant.