29:171  171  SERMON  OXOVI.  172  cependant  il  attribue  de  commun  a  tous  les  deux:  Qu'ils  appelleront  les  peuples  en  la  montagne,  c'est  assavoir  de  Sion,  pour  sacrifier  la.  au  Dieu  vivant:  et  aiasi,  que  Dieu  les  benira,  pource  qu'ils  escumeront  toute  la  graisse  de  la  mer,  c'est  a  dire,  que  par  leurs  traffiques  ils  seront  enrichis.  Et  combien  que  leur  pays  fust  sablonneux,  comme  sont  les  rivages  de  la  mer,  qu'il  n'y  a  pas  fertilite  de  bled  ne  de  vin:  qu'ils  ne  laisseront  pas  pour  cela  d'estre  riches:  car  le  gravior,  c'est  a  dire,  la  mer,  leur  donnera  assez  d'abondance.  Voila  en  somme  ce  qui  est  ici  dit.  Or  nous  voyons  (comme  il  a  este  touche  auparavant)  que  Moyse  n'a  point  parle  de  sa  teste,  mais  que  Dieu  a  ici  prononce  ce  qu'il  avoit  resolu:  car  Moyse  ne  pouvoit  deviner  ce  qui  68ch  erroit  en  la  portion  de  Zabulon.  Nous  avons  desia  declare  que  le  peuple  n'a  point  choisi:  il  est  vray  que  la  lignee  de  Gad  et  une  partie  d'Ephraim  ont  bien  este  partagez  outre  le  Iordain,  comme  ii  sera  declare  apres:  mais  tout  le  reste  des  partages  ont  este  faits  par  sort,  tellement  que  ce  n'estoit  point  a  nul  homme  de  dire:  Telle  chose  m'adviendra.  Il  falloit  que  luy-mesmes  presentast  tout,  comme  nous  le  voyons  en  ce  passage,  tellement  qu'il  estoit  recogneu  sur  toutes  ses  creatures.  Quand  donc  Moyse  declare  que  la  lignee  de  Zabulon  sera  logee  au  rivage  de  la  mer,  il  baille  a  entendre  que  Dieu  luy  a  revele  des  choses  incognues,  et  que  c'est  par  le  S.  Esprit  qu'il  parle.  Quand  il  dit  que  les  traffiques  et  marchandises  seront  eu  ce  lignage  de  Zabulon,  qu'Issachar  aussi  ira  par  la  mer:  il  n'y  a  nulle  doute  qu'ici  Dieu  ne  prononce  ce  que  les  hommes  n'eussent  iamais  conceu.  Et  ainsi,  nous  avons  une  approbation  infallible,  non  seulement  des  promesses  qui  sont  ici  contenues,  mais  de  toute  la  doctrine  de  Moyse.  Car  pourquoy  est-ee  qu'il  a  ainsi  benit  les  lignees  d'Israel,  sinon  afin  de  les  tenir  sous  l'obeissance  de  la  Loy,  et  sous  la  religion  laquelle  il  avoit  enseignee,  non  point  de  soy,  mais  selon  qu'il  luy  est  ordonne  d'enhaut?  Puis  qu'ainsi  est,  apprenons  d'appliquer  tous  ces  tesmoignages  a  nous  arrester  en  la  verite  de  Dieu,  et  que  nous  ne  soyons  point  esbranlez  ne  ca  ne  la,  que  nous  n'ayons  point  une  foy  douteuse:  mais  qu'en  toute  reverence  nous  recevions  ce  qui  est  contenu  en  la  Loy.  Car  sans  cela  nous  sommes  miserables  :  comme  tous  ceux  qui  ont  leurs  devotions  fantastiques,  comme  nous  voyons  les  Papistes,  comme  nous  voyons  les  Turcs,  comme  sont  tous  les  Payens  du  monde  Car  ils  seront  bien  assez  opiniastres  en  ce  qu'ils  auront  conceu  :  O  voila,  ie  me  tien  a  cela,  pource  que  la  religion  est  ancienne  :  mais  cependant  ii  n'y  a  nulle  seurte.  Et  pourquoy?  Car  cependant  que  les  hommes  s'arrestent  a  leur  opinion,  ce  n'est  que  vanite  et  fumee:  nous  ne  pouvons  donc  avoir  une  foy  certaine,  iusques  a  ce  que  nous  soyons  venus  a