27:171  171  SERMON  LXXXI.  172  Mais  nous  voyons  ce  qui  est  advenu  a  ceux  qui  ont  abuse  d'un  tiltre  si  honnorable,  et  qui  n'ont  point  servi  Dieu  en  pure  conscience:  qu'il  s'est  eslongne  bien  tost,  apres  avoir  attendu  en  patience  s'il  y  auroit  conversion:  quand  ii  voit  les  Iuifs  estre  obstinez,  il  a  oste  sa  gloire  de  ce  lieu-la.  Et  desia  le  Prophete  Ieremie  leur  avoit  reproche:  Allez  en  Silo  (dit-il)  regardez  quelle  desolation  il  y  a  auiourd'huy.  Et  toutesfois  Silo  a  este  devant  Ierusalem:  car  l'arche  de  Dieu  a  la  este  long  temps  et  tout  cela  est  rase.  Voila  une  chose  auiourd'huy,  qui  est  pour  faire  dresser  les  cheveux  en  la  teste.  Glorifiez-vous  au  temple,  disoit  Ieremie  :  et  pensez-  vous  que  Dieu  vous  soit  tant  oblige  qu'il  ne  puisse  retirer  sa  gloire  d'ici  ?  La  menace  estoit  donnee  par  Ieremie:  le  peuple  poursuit  tousiours  son  mauvais  train:  en  la  fin  il  faut  que  la  gloire  de  Dieu  se  departe,  comme  il  est  dit  par  Ezechiel.  Oar  la  maieste  de  Dieu  luy  fut  monstree  au  temple,  qu'il  voyoit  la  le  ciel,  et  la  terre,  il  voyoit  une  chose  qui  est  par  dessus  toute  nature:  mais  cependant  il  voit  aussi  que  tout  s'en  va  en  fumee,  et  que  le  temple  demeure  vuide,  et  qu'il  est  prophane,  d'autant  que  Dieu  Ta  quitte,  et  abandonne.  Or  par  cela  nous  sommes  admonnestez  quand  nostre  Seigneur  nous  a  fait  grace  par  dessus  les  autres,  de  cheminer  en  solicitude,  et  crainte:  et  si  nous  voulons  demeurer  en  possession  du  bien  que  nous  avons  receu,  qu'il  ne  le  faut  pas  prophaner.  Si  Rome  avoit  este  choisie  de  Dieu  comme  Ierusalem,  quel  orgueil  y  auroit-il?  Car  combien  qu'ils  se  vantent  d'avoir  le  siege  Apostolique,  et  que  le  Pape  soit  chef  de  tout  le  monde,  que  la  primaute  de  tout  soit  la:  il  n'y  en  a  point  une  seule  syilabe  en  l'Escriture  saincte,  ils  ont  usurpe  tout  ce  qu'ils  s'attribuent,  et  n'ont  nulle  couleur  que  Dieu  les  ait  advouez.  Mais  encores  quand  il  v  auroit  eu  quelque  tesmoignage,  que  Dieu  donnoit  preeminence  a  ceste  villela:  auiourd'huy  on  voit  que  c'est  une  caverne  d'enfer,  et  que  non  seulement  ils  se  sont  desbordez  en  toutes  villenies,  qu'ils  ont  despitte  Dieu  en  toutes  facons:  mais  qu'il  n'y  a  religion  non  plus  qu'en  Sodome,  que  les  Diables  ont  plus  de  crainte,  et  de  reverence  de  Dieu,  que  n'ont  pas  toutes  ces  ordures,  et  puantises  qui  regnent  la.  Quand  donc  on  y  voit  un  tel  mespris  de  Dieu,  une  impiete  si  enorme:  pensons-nous  que  Dieu  leur  soit  tant  oblige  qu'il  ne  s'en  puisse  retirer?  Il  avoit  dit  de  Ierusalem:  Voici  mon  repos:  de  Rome  iamais  il  n'en  a  parle.  Ainsi  nous  voyons  quelle  sottise  c'est  d'avoir  telles  vanteries,  pour  dire,  que  quoy  que  le  Pape  face,  neantmoins  qu'il  est  tousiours  le  chef  de  l'Eglise.  Au  contraire,  nous  avons  Dieu  pour  nostre  chef,  et  n'est  point  licite  de  le  changer,  si  nous  ne  voulons  aller  en  ruine  avec  ceux  que  nous  voyons  estre  ainsi  abusez.  Or  en